不少港人希望獲派公共屋邨的單位，但即使成功上樓，亦未必永無後顧之憂；好像昨天(10月31日)有網民向Facebook專頁「高登貼圖區」上傳一段短片，片中可以看到廚房天花板正在滴水，故住戶在漏水的地方，放置至少8個膠桶，以防濺濕地板。

拍片人表示自己住在粉嶺祥華邨祥樂樓，由於樓上漏水，令家中滿佈水桶；而且，直到目前為止，仍然投訴無門，無人協助。

網友回應：
「總之落去屋邨辦事處投訴先，叫埋你果座既主任上你屋影相。」

「我都住公屋的，早排我上層都滴水落黎，打去房署搵區長，就會有人同你維修…………」

「大家鬥耐性，自己唔撐自己，間屋變水浸。」

「有冇人可幫幫佢想下辦法，我之前未整去廁所要拎遮，去廚房煮個麵都要開把傘，驚啲灰跌落黎，人都癲。」

「房署免費維修，你自費裝修或改裝，房署批准你咁做，但搬走果日需要還原間屋。」

「祥華邨係未賣樓邨先？滲到咁都唔整。上層單位一定係房署賣左啲好很自私的業主單位……」

「買支澎漲膠自己攪掂仲快過投訴啦，庸人自擾。」

「無人明白本人。本村議員包庇樓上業主整好維修。求助半年管業處都從不跟進。只話你家潮濕。你地又會點。」

「最毒一招……話俾楼上房署房協……已揾公證行……Claim返裝修電噐食具厨具爈具……」

「放高登可能仲快﹗﹗﹗」

「只需在樓上倒啲螢光粉溝水，就知係邊到滲水。」

「房署唔整就大條道理求換屋。」

資料來源：高登貼圖區