MegaBox繽紛薑餅人樂園

其實我都好鐘意薑餅人，所以今日嚟MEGA BOX最主要目的，就係去影靚靚薑餅人啦~

想同啲靚靚薑餅人影相之後，原本我都好想帶小小豬嚟同薑餅人大跳舞，因為有一部全港首個以AR虛疑實境配合體感技術嘅互動遊戲，我睇FACEBOOK介紹好似好得意咁，好想俾小小豬玩啦！不過因為我地食完晚餐之後，剛好遊戲就已經關左，所以要等下次再嚟先有得試玩啦~

冇得玩都唔緊要，因為一見到啲靚靚薑餅人就即刻開心晒，今日人流都真係唔算多(可能係我地夜啦)，所以可以大影特影啦~

小小豬見到個薑餅人BB，佢就話要幫忙推車仔同餵奶奶呀~

之後仲同啲薑餅人一齊玩哦~

佢實在太高興了，話要錫錫薑餅人呀~

薑餅人實在太靚，其實係九樓童真天地嗰度都有一個小佈置，不過今日實在夜左少少，所以小小豬開始眼瞓，所以就冇上去影埋。

不過唔緊要，因為我地好快又會再嚟MEGA BOX，到時又可以再影過啦！