上水巴士總站今早(19日)發生衝突事件，一名戴著眼鏡的男子帶上摺好了的單車乘搭巴士，但被車長拒絕。據悉，該名乘客認為車長欠缺理據，故此不肯下車，並要對車長作出投訴。兩方僵持不下，期間一名大叔懷疑因心急上班，出言阻止，並喝令單車客下車；及後，大叔更多次要求以拳頭解決事件，並跟單車男有肢體上的碰撞，其他乘客亦在此時加入，一同要求單車男離開，在群眾壓力下單車男最後只有離開車廂。

其實根據九巴發出的內部通告，車長可以基於以下條件，批准摺合單車上巴士：包括(1)單車需預先摺合好；(2)摺合好的單車需要包裝好，並且沒有任何配件突出或外露；及(3)體積不能超過0.1立方米。內部通告中亦表明，單車不能霸佔座位、阻塞通道或阻礙輪椅擺放；需要全程看管好自己的單車。車長是有最大權力運用酌情權，批准或禁止單車上巴士。

由於單車男沒有包裝好單車，故他的確不合乎乘搭巴士的要求，但大叔過份激動的舉動，亦得不到大家的支持。

網友回應：
「呢個城市唔容許呢啲免費既交通工具存在架，拉喼就唔同呢，一人帶3個都上得車﹗」

「單車友好狼狽...大叔好惡…」

「唔入袋真係唔啱，最少都要好似某國民咁將啲野裝好啲，先可以成車成車上架嘛﹗不過個阿叔踢人單車真係好賤﹗﹗﹗」

「其實決定權在車長，但係車長食花生⋯⋯」

「真係唔明白，有單車為什麼要搭巴士？」

「真心想問，拍晒片係事主叫我打佢，咁我打佢算唔算傷人？」

「我一聽到佢叫人打佢，即刻諗起九品芝麻官﹗﹗﹗」

資料來源：Kenny Ng‎、小心駕駛(討論別人駕駛態度)