我是個潤唇膏怪,唇膏可以唔搽,但一日無時無刻都要搽住潤唇膏先安樂,工作案頭一支、手袋一支,洗手間一支,床頭一支……

試過出街忘了帶,會即時買番支傍身。這都怪我的雙唇太乾,搽少陣就容易起乾紋、爆裂、甩皮甚至會流血!

用盡無數潤唇膏,在這裏除了推介我個人的心水超潤之選外,還想同大家分享我的慳家淡唇紋兼深層滋潤方法。

最近試用了Paul & Joe的Lip Treatment Balm,唔單止個樣靚仔夠吸引,質地好滑好夠潤。

我的去唇紋滋潤妙法就係,一星期做一次DIY唇部磨砂。

刮一些lip balm出來,混合小量啡糖,於唇部打圈按摩約30秒,再敷多30秒,以暖毛巾或濕化妝棉抹走。

上圖:Before
下圖:After

洗淨後,好明顯見到乾唇紋即時淡化,本來堆積死皮的雙唇都變得紅潤。

我的小貼士是,除了潤唇膏,黃糖仲可混合花士令 /蜜糖/橄㰖油,作DIY lip treamtment的base。

各位不妨試試,簡單方便,又所費無幾,完全不用花費買專用的唇部磨砂或唇膜。

我的心水推介:

 
左起:
Fresh Sugar Lip Treatment
用咗好多支,雖然系列出咗好多顏色及味道,但我始終鍾情黃糖原味無色版,夠持久滋潤,用咗返唔到轉頭,唯一缺點是質地好軟,超快用完一支呀!

Melvita Moisturizing Lip Balm

含有機摩洛哥堅果油及乳木果油,愛它夠天然又唔會引起敏感,滋潤效果啱啱好,唔會油立立。

Lanolips 101 Ointment

屢獲多本美容雜誌選為「The Best Lip Balm」大奬,採用純100%天然優質羊脂,質地厚潤,我鍾意放佢喺床頭,臨瞓前厚敷當lip mask,滋潤效果一流,第二朝雙唇又軟又潤。 

 


 即淡唇紋滋潤法!

 https://www.facebook.com/HKSTYLETIPS