試用：Kiehl's 極緻多效修護乳霜 & 全新極緻多效眼部提升精華

之前睇好多朋友仔分享用完Kiehl's產品之後都話好好用，攪到我都心思思好想試一試。終於可以趁今次she.com安排之下，一次過試到最新推出兩款產品，心情簡直係勁開心啦~

Kiehl's 極緻多效修護乳霜~

蘊含茉莉酸、櫸樹萃取及微細透明質酸分子的三重活化科技，簡單一支就能解決五大肌膚問題，包括：輪廓、緊緻度、膚質、彈性及皺紋皮問題。經臨床測試證實，能夠於短短兩星期內顯著提升及緊緻肌膚、重塑面部輪廓及改善膚質，四星期內更能發揮雙倍功效~

白色乳霜狀質地，好容易推，而且感覺好快就被肌膚吸收啦~

早晚於爽膚水及精華後，就取適量嘅面霜均勻塗抹面上及頸上(眼部除外)，唔需要配合任何按摩手法，好似平日咁塗就得啦~

我用左大約都有兩星期，暫時覺得最明顯就係毛孔細緻左好多，肌膚飽滿度唔錯，面部都有返啲彈性而且淡幼紋都好似減淡左啲。

另外，個質感都好乾爽，肌膚吸收晒之後都唔會有笠痴痴感覺呀！

Kiehl's 極緻多效眼部提升精華~

五合一抗老化眼部護理方案，360度全方位激活眼眸，顯著提升及緊緻眼部肌膚，讓眼周肌膚回復亮麗神采重，緊緻、提升脆弱的眼周肌膚，拾年輕亮麗眼眸；測試證實 42% 用家使用四星後，眼部更顯亮大。

質地呈白色半透明乳液，質地水份較高，非常容易推開至眼周肌膚~

早晚於爽膚水及精華後，取出一泵眼部精華，按摩眼位置，由眼頭方向至眼尾約3-4次，千其唔好漏左眼蓋，做法都係一樣呀~

其實我真係唔多用任何眼部嘅產品，因為我眼睛好易敏感，塗多少少嘢眼皮都會發炎。不過，係我使用兩星期內，我完全冇任何不適或敏感情形出現，而且仲覺得眼睛周圍都好水潤，充滿光澤感。

整體上用左兩星期嘅感覺真係唔錯，扮靚靚係需要勤力同恆心，所以我要繼續KEEP住用，再用耐啲效果應該會再好啲，咁我又邁向靚媽之名踏前一步啦……哈哈哈！