【東京手信街攻略】必掃女巫牛奶妹 Vs 走寶魅惑布甸

時間的鐘又重回個半月前， 話說8月去日本， 最後半日， 臨上機前， 阿太說:「不如去一番街食個拉麵」(我以為一番街即係新宿地下街， 專賣女人嘢， 又悶又老套...…原來我先最老套)

動漫， 玩具， 潮流都爆， 我們花了三小時， 也只是走馬看花半條街。 (只怪自己無做功課， 120間舖頭， 雖然全部官方訂價， 但好多限定嘢， 出面街無！)

當日我們中午到達， 經過八重洲地下B1南口， 就走到一番街的8大拉麵通道， (Tokyo Ramen Street) 阿太說:「一定要食「斑鳩」， D人話係全日本第三大拉麵， (咁點解唔食第一， 二)， 米係一蘭， 同一風堂囉， 香港都有啦」

其實拉麵好食與否， 主要視乎湯底， 但湯底永遠都加上濃濃味精豉油， 我的舌頭又不爭氣， 食完又辛苦…...

(試過叫舖頭走豉油， 但真係一啲味都無…...)所以， 我真的不懂吃拉麵。

只要不是博多的幼麵， 我就會比較吃得開心一點。 (無辦法，天生愛粗麵)

老實說一蘭、一風堂我也是麻麻地...…更何況今次的第三名呢？ (可能我唔識食， 不過真係好多人排隊， 唔知點解)

醫飽肚後， 我們便一直行， 不用一分鐘便到達人山人海的四大零食專區—　不二家、固力果、森永、Calbee齊齊向你發功。

你一定無法招架， 乖乖大出血。（Tokyo Okashi Land）

囝: 「我想要依個筪呀？ (咁細個有咩用？ 同埋你識依隻雀仔咩？)梗係識！海洋公園咪見過囉…...(依隻係日本大咀鳥呀！)」

不二家的女巫牛奶妹超多人搶， 因為實在太便宜， ￥292做手信一流， 好抵又好食， 我後悔只買了6包...…(點解咁耐香港仲未有水貨佬入貨呀？)

專門收集罐頭的我， 只買了東京限定版一款， 其餘影張相就當擁有吧！ 囝:「爸爸！你唔係儲咩， 點解唔買晒呀？ (大佬！我都想， 但一套十款牛奶罐， 攞死我都似)」

這盒草餅布甸， 因為實在太趕， 所以很多匆匆忙忙拍了照， 事後我發現「走寶」才識後悔...…

這個我想買回來試食， 以形補形喎。

再向前走， 便是令我一發不可收拾的Tokyo Character Street...…首當其衝的就是近年紅爆日本的妖怪手錶.

見到妖怪手錶， 就令我聯想到當年的軍曹， 十幾年前又是紅到發紫， 我記得當年過日本， 在街上「爆」軍曹扭蛋， 現在一隻軍曹玩具也消失得無影無蹤。

好可憐…...

電視台專門店也有6家之多， 可惜我近2年已經沒有時間再追日劇。不過當年第一套看的愛情白皮書， 到20年後的律政英雄2015 ， 依然都是木村呢！

如果不嫌一番街專門名內的貨品， 全部也以官方正價出售， 逛一條街， 你已經可以盡掃Miffy， 咸蛋超人， 方吉， 宮崎駿， Hello Kitty， 輕鬆小熊...…

絶對是你數得出名的卡通人物， 都一定有一間專門店在此， 但奈何格價仁還是愛拆扣呢。

日本即使是反斗城都經常有折扣， 又不時有跳樓貨， 就算BIG Camera買一盒手裡劍戰隊也只是￥6600.

一番街正正就如此海港城一樣， 很簡單的同一盒戰隊她的官方定價便是￥8820， 逛一逛當然沒問題， 但我一定不會買啦！