「豆腐人」變豆腐花畀你食落肚

剛剛經過7-11，我忽然大叫「E~點解個雪櫃有個「豆腐人」嘅？」， 引得阿囝及阿太立刻過來研究。

阿太:「係喎...…豆腐人都出豆腐花...…」， 阿囝一聽到豆腐花即答:「我想食喎」。

「壹品豆漿」其實我聽都未聽過， 不過$5.9 如此大大盒豆腐花， 又有成個「豆腐人」嘜頭， 應該也不會難食...…掛。

灰色的豆腐人， 封面還要「舐舐脷」， 實在有衝動即開即食...…

阿囝一邊食， 一邊說:「好食， 好似棉花糖咁好食」， 即食豆腐花一定不能與大埔阿婆作比較，而$5.9有如此質素，當玩綽頭都抵。

一開蓋見到淺灰色， 就估到芝麻味不會太濃，甜甜地，就當作一邊睇張保仔，一邊食的甜品吧。 (奄尖的阿太:「其實似食石灰水...…」，無咁差呀？)

原來10月2日是「豆腐人」生日...…難怪LCX特別舉行一個豆腐人展覽啦！！ 我忽然覺得有點點內疚。 (生日就食鬼咗人， 咁佢咪過唔到生日...…大吉利事)

我告訴SY:「我哋食咗豆腐人， 原來10月2號係佢20歲生日呀！」囝:「E家係10月1號咋喎！！ (好可憐囉！食咗就無咗)， 唔係呀...…7-11大把」

(車！！冷酷無情呀你)

「豆腐人」限定登陸7-11

日期: 2015年9月23日 - 10月20日