《勇者鬥惡龍》系列，相信係唔少Game迷心目中都係殿堂級作品，不過近年真係無乜大特色，玩來玩起已經無乜新意。不過尋日係日本Playstation發佈會上，Square Enix就公佈佢地同Tecom-Koei合作推出嘅新作《Dragon Quest Hero 闇竜と世界樹の城》。
相信大家聽到Tecom-Koei個名，就知今次佢地係合作整隻「無雙」出來。不過同過去無雙作品比，今次DQ就以全新劇情同人物去製作，絕對唔係以前無雙咁樣翻炒舊劇情。而人設方面繼續有鳥山明出手，再加埋DQ系列製作人堀井雄二參與，各位DQ迷記著唔好錯過。
而推出日期方面，《Dragon Quest Hero 闇竜と世界樹の城》將於2105年春季，同時於Playstation 3及4上推出。而Sony亦會為遊戲推出特別同綑版本，以金屬史萊姆做主嘅銀色機身。
