SNOOPY CUP-CAKE

自上次我地去左APM同SNOOPY影相之後，小小豬就好似愛上左SNOOPY。

今日行過路過聖安娜，俾小小豬見到餅店內嘅SNOOPY蛋糕，剛好我手袋內有張將迎到期嘅餅咭，所以就換左兩款CUP-CAKE等小小豬開心吓啦~

依兩款CUP-CAKE就係以SNOOPY為題嘅韓國蜂蜜柚子慕絲同埋WOODSTOCK嘅TIRAMISU~

依杯TIRAMISU當然係我嘅啦，味道方面我個人就覺得都係一般，TIRAMISU味道唔夠濃，已經都比較CREAM，唔可以話唔好食，剛剛合格啦~

有個咁可愛SNOOPY嘅蜂蜜柚子慕絲，當然係小小豬啦~

佢有幾鐘意SNOOPY，睇佢食住件蛋糕都要望住就知啦~

我都有偷食少少試味，第一次食蜂蜜柚子味嘅慕絲，我又覺得個味道都可以接受，不過略嫌那一種紅色嘅蜂蜜柚子一層都比較甜呀！

坦白講，我都真係好少幫襯聖安娜，唔知點解總係覺得佢地嘅蛋糕係冇咁好食。所以當我換左兩件CUP-CAKE時，我都有一刻擔心會唔會造成浪費呢？

幸好今次都算冇買錯，雖然冇"叮"一聲咁好食，不過都冇對佢失望啦！