【鬼同你去樂富】免費鬼屋任玩 曱甴爆谷敢唔敢食?

一年容易哈囉喂，  樂富鬼嚇人又來了！ 重點當然是免費玩， 免費食啦！！

已經是第5年樂富免費嚇鬼你， 不過今年轉了場地， 由一向在街市旁邊A區， 走了過B區露天平台玩貨櫃。

由6個貨櫃組成的鬼屋， 名為「恐懼心戰室」， 工作人員:「今年無鬼㗎！ 得怪人， 同死神， 驚都只係你自己個心魔...哈哈哈」(你講完好似仲驚就真)

齊齊來玩最驚驚的鬼貨櫃4強:

最突如其來一嚇: 玩曱甴

一推門~一間和我屋企差不多凌亂的房間， 突然地下走出十隻曱甴， 百隻曱甴， 千隻曱甴， 萬隻曱甴...嘩！好驚呀！！！ (有玩過剛剛結業的荔園嗎？ 一模一樣㗎)

驚驚指數: ★★★★

真係心都離一離: 心魔凶你

橙紅色鬼聲鬼氣， 記得有心理準備， 心魔隨時閃出來， 嘩！一聲， 心血少都即時被佢嚇到坐落地。

驚驚指數★★★★

實驗室聞臭臭: E~濕泣泣嘅

博士要我在實驗室， 用鼻去估氣味....好臭好難聞...我只想大叫:搵笨; 之後更要在18個小櫃內找鎖匙開門....救命呀， 點解每個櫃不是鬼口水， 就是鬼眼， 鬼手...跟本就沒有鎖匙， 呃我！

驚嚇度 ★★★★★

數獨癲狂女: 無端端計數

驚驚慌慌到最後， 突然走來一位癲狂女， 要我30秒內將數獨空格計總和....死啦！！ 我數學已經水皮， 癲狂女還不斷「WeWe嘩嘩.」， 點計呀？？？

驚驚指數★★★

如果你真的似怕要入鬼屋， 平台還有兩個小攤位任你玩， 其中一個很簡單的砌回一個完整的骷髏骨頭就成功。Easy Job啦！！

玩到肚餓， 出口旁邊還有免費爆谷任你食....最正竟然有朱古力曱甴給我...不過要睇清楚會不會是剛才鬼屋的膠曱甴喎。

日期：9月18日至10月31日（逢星期五至日及公眾假期）時間：5pm – 10pm地點：樂富廣場B區露天平台門票：免費入場