港姐年年有，真係除咗上年個屆冠軍正常啲之外，真係無乜幾屆唔係話題作。而今年搞個「有篩選」嘅假普選，搞到賽前大熱無端端出局，結果由選Best of the best，變咗選Best of the rest。
而事後冠軍邵珮詩係接受無線訪問時，表示「我覺得這是很公平。我很光榮是香港人，我知道很多人想一人一票表達民意，但我認為每人都要學懂包容，如何有共識」。
反而落選嘅大熱吳凱欣反應就得體得多，夠晒堅強一句都無怨過之餘，重感謝一眾一直支持佢嘅Fans，以及導演舒琪。不過講開又講，大家都知依家選到港姐都無乜用，學舒琪話齋：落選係好事，可以免於墮落。依家大大個冠軍人辦係大家面前，我地應該慶幸一個好女仔可以有更好發展機會，正如當日唐英年落選特首，依家無官一身輕、重可以得閒潤下梁振英幾咁風騷，你話係咪先？
