重有一個星期，iPhone 6就會準備同大家見面。當然傳咗咁耐大家都知今次會有部5．5吋屏幕新機推出，但一直都係只聞樓梯響，卻不見機蹤影。
不過尋日法國網站nowhereelse，就係youtube發放咗一條新iPhone 6機殼影片，重話呢個就係傳聞中嘅5．5吋iPhone機殼。而影片入面就睇到成個iPhone 6設計同iPad Air無乜分別，而長度都有接近16cm長及8cm闊，比iPhone 5s多足足3.62cm及2.24cm。
不過就算條片係真，大家都唔使咁開心著，因為iPhone 6 5．5吋版有傳會全部使用藍寶石屏幕，但由於呢方面產能方面一直未能達標，所以可能要到年尾先會開始發售。
