多個Facebook群組由昨天(7日)開始，均熱播一條在旺角朗豪坊拍攝的影片；片中的男生似乎惹怒了女朋友，並一直懇求原諒，女生卻多次直言跟對方再不是男女朋友的關係。兩人拉扯了好一段時間後，女生要求男生吃掉手上的花，男生以為吃了以後，便可以破鏡重圓，遂義無反顧地吞下花瓣；可是，女生卻鄙視男生的行為，並跟同行的女性友人離開；男生則黯然地走向另一個方向遠去。
網友看後，批評女生的行為：「唔食又話唔聽你話，食又鬧人，媾女原來真係好難…」、「真係R撚爆頭⋯次次箍煲啲女都係叫人走，但自己又要企係度⋯」、「個男仔好慘，唔復合咪唔復合，唔想見到嫌煩咪走囉，為咩要玩完人再鬧人呢？要人地搞到咁無尊嚴，呢啲女無咗咪算囉！」
當然，亦有不少人指責男生丟架，有辱港男之名：「有無咁傻仔呀，食完先放條女走？咁食嚟托呀？」、「其實我唔應該笑...但係我忍唔住...WWWWWW」、「女咋麻，通街都係啦，你要咩品種都有，何必甘苦呢DEDE！」、「邊有可能畀條女咁樣落面法！」同時，有人為男生感到可悲：「其實個男生都係唔想失去女友，先咁做啫...點解要咁多負評？難道一生人為自己愛嘅人做出不可思議嘅事，就咁值得批評？我地無權去公審人地呢種行為既做法...」、「或者個男仔真係用情好深呢！」
可是，有不少網友質疑片段的真偽，認為是某娛樂作品的宣傳技倆：「唔會真係有咁嘅男人啩？」、「好似有d假啵！」、「收音咁好嘅？」、「肯定係做戲！」、「好假........」
資料來源：Facebook@廢柴同學會
