試用：來自日本嘅家居清潔用品

謝謝專門提供日本家居用品網站 - JAPAN CLUB為我提供佢地幾款產品，包括有去蟎蟲皇牌產品及家居清潔用品，真係啱晒我依個師奶仔呀~

小小豬係一名濕疹豬，所以我地都要好小心處理周圍環境，既要地方乾淨之外，衫褲、床單、被鋪及毛公仔等依啲貼身物品，都一樣要好好處理，因為除左塵蟎係會對濕疹有影響。

我曾經考慮過買部防蟎機，不過價錢唔平之餘仲唔知成效係唔係真係咁好，所以一直都係得個想字。後來經JAPAN CLUB介紹原來都有一啲產品係可以防蟎，正好趁今次機會可以一試啦！

UYEKI蟎蟲清洗衣液~

此產品係日本過敏反應協會推薦品，不含殺蟲劑，通過皮膚過敏試驗，成份不會影響人體健康。洗衣液能重點針對在洗滌的同時達到驅散蟎蟲的效果。

使用方法都好簡單，只需要係洗衫時可入一個樽蓋洗衣液分量，使用時亦可以同時加入柔順劑或漂白水~

防蟲蟎大人同小朋友都需要，所以我洗大人衫及小小豬啲衫時都會加埋一齊洗~

我覺得同普通洗衣液分別唔算大，亦唔會有好強烈味道，過程同平日洗衫係完全一樣，或者因為根本我地唔可以憑肉眼睇唔到啲蟲蟎，但依三星期用嚟洗衫，又好似係少左打噴嚏哦！

UYEKI 蟎蟲清不織布鋪紙~

UYEKI 蟎蟲清不織布鋪紙絕無使用殺蟲劑成份，而且通過皮膚過敏試驗，不傷害人體，無毒無害，適合幼兒使用呀~

一盒有兩張，使用後仲可以效果長達6個月。只需把鋪紙放在床單和床褥之間，依6個月內就算換床單都唔洗換不織布鋪紙 ，都好方便哦~

UYEKI蟎蟲清嘖劑~

含驅蟲有效成份，驅散蟎蟲，消除寄生。不含殺蟲劑，不刺激皮膚，甚至接觸嘴部也不影響人體健康，絕對安全可靠。除菌消臭，配合砂糖提取物，有效抑制不良氣味而又不刺激皮膚。

每星期一次，只需對棉被、毛公仔等布類製品進行噴灑即可發揮對蟎蟲的驅除作用~

雙管齊下地防蟎蟲，用左三星期左右，又真係好似有少少成效，起碼依段時間小小豬都冇起過濕疹，晚上瞓瞓下打噴嚏都好似少左啲啲！

UYEKI去霉劑~

其實我屋企個廚房、浴室嘅牆壁嗰啲霉菌都真係令我幾頭痛，用過好多方法都係好似洗唔到咁。依支去霉劑可以利用細小針嘴設計，去霉劑鎖緊霉垢，去霉從根部出發，而且仲強效一個月。

直接塗沬係需要除霉地方，然後等15分鐘，再用刷輕刷一下，就可以啦~

第一次用我就等左30分鐘，用嘅時候又冇乜味，而且清洗時又唔會刺激到雙手。完成後又真係乾淨左啲呀~

Super Orange 多功能強力去污劑~

橙皮精華泡沫鎖定污漬高濃度的橙皮精華能迅速浸透污漬，加上泡沫式的洗液可防止圬垢飛散，達強效驅除頑固污垢的功效。除臭除菌及去污同時更有消臭和除菌功效。純天然成份的橙皮精華及椰子油，不傷皮膚之餘更可護手。

對準頑固污漬，輕輕一噴，再用乾布抹乾，無須過水~

唔洗擦就可以去到啲漬，最好就係完全冇味，咁我就唔洗一邊打噴嚏一邊清洗咁辛苦啦~

整體上我都覺得依幾件產品都唔錯，最好就係網購都算好方便，用少少時間就可以落ORDER，兩日後就可以送到。效果唔錯得嚟又方便易用，尤其係那兩件廚房用清潔用品，都應該會加入成為回購名單。