【三吋厚熱香餅】「Minions」 定 「三眼仔」好食呢??

想買過「搶眼」生日蛋糕， 阿太說:「不如用熱香餅當生日蛋糕吖」. 正喎！！ 一個三眼仔， 一個Minions， 夠得意！！

煙廠街的Ocio， 真的有眼不識泰山， 下午4時左右， 竟然坐滿7成客...(真係咁好食？攪到我都想搵日嚟試下添)

阿劉很好人， 知道我想影相， 所以特別將Minions先放上堂食托盤， 讓我拍照後， 才包外賣給我

我估計堂食， 熱辣辣應該會更正！！ (Minions好香忌廉味呀！！ 無辦法要忍口， 到今晚Dinner一齊食啦)

回家後， 我又心急， 拿四眼仔(3+1)出來偷看...(係嗰刻我有諗過， 橫掂每個兩層， 不如我自己食一層先啦...因為真係好鬼香)

可能店員太熱便將三眼仔放入盒， 所以三眼仔開始縮水， 剛才我只在店拍攝Minions..， 結果完整無缺的Minions足足高三眼仔1cm

晚飯過後， 終於等到高潮降臨， 阿囝十分平淡:「哦！ 係三眼仔， 同Minions呀！！ (車！！ 點解你無驚喜㗎？)， 我都未食！！ 係咪...」(車！！ 懶巴閉)

今晚熱香餅的厚度， 相等於平常食慣的超碼4倍。其實感覺似芝士蛋糕， (當然無芝士啦)， 不過， 非常鬆， 一定要配上附送的蜂蜜，及雪糕先最Fit

略嫌蜂蜜不太足夠， (可能堂食可以添加掛)， 放涼了過走... (好似都差不多4小時， 熱香餅的底部有少少硬...三眼仔更明顯)

三眼仔的綠茶味較濃， 但不是我杯茶...我反而覺得忌廉味的Minions味道較輕， 更正

為何小朋友會以為忌廉味是香蕉呢？ 莫非黃色？？ 不過如果是香蕉， 他一定不會食得如此興奮， 因為他最憎食蕉

地址：旺角煙廠街