表準

跟別人吃飯或開會的時候，你喜歡用左手托著腮、用左手的手指輕掃眉毛、還是用左手按一按自己的耳珠嗎？細心留意，你會發覺很多人都喜歡用戴表的手做出不同動作，為什麼？ 因為，坐在你對面那位，眼睛會不由自主地瞧一瞧你的手表，再不由自主地一看再看，可能是想看清楚手表的品牌，又或者是已經被那層玫瑰金攝去他的靈魂，總之羨慕和不屑會在對方的眼神裏不斷交替，睇到你好過癮。為什麼今時今日，我們有手機，還需要戴手表來看時間？剛剛解釋了，手機不能控制別人眼球，手表可以。

「你呢啲咁嘅人，戴隻靚表以為自己巴之閉，根本就係貪慕虛榮。」第一，我冇以為自己巴之閉；第二，知唔知乜嘢係貪慕虛榮？不屬於那個財富階級，硬要做那個財富階級的事，才是貪慕虛榮。正如有個月薪幾萬嘅男人，送隻三十萬名表畀個女朋友，而個女朋友收到隻表之後覺得個男朋友好有型然後自己開心到四萬咁口，這個女人就是貪慕虛榮了。

「就算唔係貪慕虛榮，都肯定係想曬命；二千蚊都買到嘅嘢，點解要用二十萬買？」幾蚊雞可以買到個牛奶公司甜筒，點解你要用十幾蚊買支 Haagen Dazs 雪條？十幾蚊可以買到 Haagen Dazs，點解你要用四十蚊買杯 Lab 雪糕？仲要 post 埋上 facebook 喎，係唔係想話畀人聽你巴之閉食得起 Lab？唔係，通通唔係。食 Lab 唔食牛奶公司，係因為你對雪糕有要求；買到一樣達到你要求嘅嘢，係一份滿足感。Post 上 facebook，係想話畀人聽你食過 Lab 雪糕，因為，最老套講句，你覺得 Lab 反映到你嘅生活態度，而你好希望同其他人分享你呢份生活態度。

戴表和食雪糕一樣，是一種追求，一種對滿足感的追求，一種對生活態度的追求。有些不屑名表的朋友，覺得這種追求膚淺，而且最愛引用誠哥做例子，說真正有身份地位的人不會追求這些，誠哥也只是戴普通表云云。其實，佢老人家信佛，去到富貴如浮雲嘅境界，你又信佛嗎？佢後生拼搏，直情是拼埋條命去搏，天天在公司奮戰十六小時，你又有這樣刻苦嗎？佢喺屋企白飯清菜，簡簡單單又一餐，你又可以食得咁齋？咁多好嘢畀你抄，你淨係抄到佢唔帶名表最表面呢樣，膚淺嘅係你，定係帶名表嘅人？再者，講到身份地位，誠哥當然有分量，但 Warren Buffett 呢？Carlos Slim 呢？1963 年，大喊一句 I have a dream 的馬丁路德金呢？他們戴什麼表，你又知道嗎？不喜歡名表不要緊，但不要用一些不是理由的理由去攻擊別人對表的追求，尤其是男人對表的追求。

女人可以不戴表，但男人不可以。女人手上只有一條幼細的手鍊，甚至什麼都沒有，你不會覺得有問題，因為手表不是女人的 must。但不戴表的男人，硬是缺少了一點什麼似的，隨心找個說法，就是少了一種踏實的感覺。聞說有位當紅的香港演員，某天出門之後，坐車途中發現自己忘了戴表。下車後，渾身不對勁，好不容易在街上走了五分鐘，終於熬不住，「隨便」走入一家表行，買了一隻手表，即時戴上，立刻身心舒暢。這是一個表癡的極端例子，但我絕對明白那種「渾身不對勁」所謂何事。週末出街還好，上班沒有手表，周身唔聚財。

男人選擇手表，沒有指定標準。但我覺得，最緊要是表面夠大，無論你的手屬於粗壯還是纖幼，都要揀個大表面先夠型，起碼 40 mm吧。第二是機械表芯，簡單來說，就是不用換電的那種。識表的人，機械表芯可說是最基本的要求，我未聽過一隻靚的男裝表是行電的。最後，當然是品牌，這是最 personal 的。靚表有好多，包括 Blancpain、FRANCK MULLER等，以上的基本上都夠煞了。但要講到名表，其實真的不太多，個人認為，四大名表當然是 AP、江斯丹頓、PP、和 Piaget 了。買過表的人一定會同意，揀表的過程比戴表更過癮。當你去到四大名表的境界，你就更不能受人擺佈，要集中精力想想，如何透過一隻表去表達自己。要霸氣，梗係 AP 嘅巨型表面；追求極致工藝，唔使問，PP 囉；穩重成熟阿伯型，江斯丹頓；我自己最愛 Piaget，即是伯爵，就連秒針跳動的聲音都滲著品味。

香港貿發局將於九月八日至十二日舉行一年一度全球最大的鐘表展，其中國際名表薈萃集中展示來自世界各地約160個著名鐘表品牌。國際名表薈萃於最後一天免費開放予公眾。有時間的話，你可以行晒成個展。上年我去的時候，沒有太多時間逗留，所以只去了我認為非去不可的 World Brand Piazza 專區。很多知名品牌都會在那個專區見到，當然包括 Piaget。

女裝表通常是行 quartz 的，即是要換電，因為如果是用機械表芯的話，成隻表會太厚，唔夠女性化。但 Piaget 的 Altiplano系列出名，就是因為他們獨有的超薄機械表芯，讓女士都可以找到一隻心儀的機械表。走到 World Brand Piazza 專區，記得望望那隻 Altiplano 38mm 900P。呢隻 900P 有兩款，一款係少啲石 (diamonds)，一款係好鬼死多石。少石嗰隻，廿幾萬；多石嗰隻，喺 Piaget 嘅表嚟講，其實都算好平。真的，你問 Piaget 員工就會知道我冇誇張，真係算平。

即係幾錢？如果你去到碧咸夫婦嘅 level，老婆仔喺聖誕節買架 Cayman GTS 畀你粗揸，你買番隻多石 900P 畀佢粗戴，大家應該打個和。

（本文為贊助內容）