唐貝詩、陳嘉桓、妹頭遊廈門沖繩

唐貝詩(Lydia)早前聯同陳嘉桓(Rosa)和妹頭先後到廈門及沖繩拍攝有線節目《3S放大假》，三位靚女在六日內乘坐遊輪穿梭中日。

之前Lydia勤練瑜伽及做運動，成功踢走10磅，所以此行她水着上陣同陽光玩遊戲亦盡顯keep fit成果，既性感又健康。

攝製隊抵達首站廈門鼓浪嶼後，Lydia披上婚紗在沙灘扮走佬新娘，雖然當地天氣酷熱，但無損逛街心情，Lydia直情瘋狂掃貨，「我都好enjoy，因為我鍾意行啲有文化特色嘅舖頭，嗰邊買嘢好平，30幾蚊買到條民族裙，拖鞋又係30幾蚊，幾蚊就買到花環頭飾，亦唔少得綠豆餡餅呢啲手信。」購物期間，Lydia接到任務要「3S」各自以二百元購物，以買得最多者為之贏，Lydia笑說：「原來自己格價都幾有天份，我睇中咗條裙，但店主企硬最後冇買到。」

其後Lydia隨隊於船上拍攝，包括穿着兔仔衫溜冰，又去人造滑浪場滑浪，「好刺激呀，我玩咗兩次好好玩，但已經係瞓厲頸感覺。」她又試玩海底電單車，雖然這部電單車龜速行駛，但Lydia依然難忘：「落到海底見到啲魚游來游去，伸手摸到佢哋，好得意。」

攝製隊其後轉戰沖繩，Lydia也在當地學踩單車，由唔識學到識。其實今次旅程，Lydia試玩了不少運動，經過連日體力消耗，她亦不待薄肚皮，大啖沖繩特色食品花生豆腐、當地特產如菠蘿、海葡萄、紫薯及黑糖班戟熱狗等，令她相當滿足。