【妖怪手錶三缺一】日本麥當勞換完薯條盒...香港幾時有得換??

今次去日本， 撞正麥當勞可以換《妖怪手錶》薯條盒， 雖然我只認識地縛喵， 但一場來到， 沒理由不換啦。

不過， 一問之下， 原來地縛喵， 及哥瑪先生是8月7日便開始換的， 今次只有哥瑪次郎， 及武士喵， 但店員說:「地縛喵仲有存貨， 需唔需要？」(梗係要啦)

其實， 日本確實非常好， 買任何食物加錢就可以換齊一套(如果仲有貨的話)， 結果我買¥150細薯條， 加¥1050換了三個薯條盒。

於是天真的我走訪中野， 原宿， 新宿， 千葉原， 依然不見哥瑪先生的影踪。(儲唔齊一套， 仁生永遠都係遺憾)

囝問:「咩嚟啫？ 依~可以打開架喎...裝咩架？爸爸」(裝薯條喎...不過我覺得裝徽章仲好)

開始有潔癖潛質的囝，  想了一想說:「薯條喎？ 咁啲徽章咪污糟晒囉？ (所以唔裝薯條咪得囉)， 但我鍾意食薯條」(真係神又係你， 鬼又係你)

好攪笑， 個薯條盒背面有個掛鈎， 可以夾在腰間， 另我第一時間想起， 從前我小朋友時代， 放搖搖的腰袋. (乜日本人咁鍾意食薯條， 鍾意到要隨身掛住四周行添).

朋友M早幾日前告知:「深水埗有得買地縛喵， $80， 不過只有一款」， 心有不甘， 想踫踫與哥瑪先生的運氣， 昨日專登走過去看看， 結果連地縛喵也不見了。

究竟今次香港麥當勞會不會如同Minions一樣， 遲幾個月又再引入香港呢？ (遲到都好過無到吖)