玩盡「小小建築師」

非常感謝We嘩!充氣嘉年華一直都係咁愛鍚小小豬，再一次邀請依個貪玩豬成為試玩專員，今次我地母子拍拖去左愉景新城，小小豬要變身成為「小小建築師」啦~

今日嘅放電活動，就由依個豬印仔開始~

相對上幾次嘅遊戲，今次係愉景新城嘅安排明顯係好多唔同種類，而且好多都係第一次玩呀~

小小豬第一時間就當然係去玩新遊戲「We嘩!掘掘樂」啦~

像真度極高嘅兒童挖泥機，唔好話小朋友，就連我都好想去玩一轉。雖然只係簡單兩個按鍵，但其實都係幾考手眼協調，依個小小豬好明顯都係亂嚟咁玩，不過在旁協助嘅哥哥都好希耐性咁提示小小豬點將啲波波放入籃內~

之後小小豬就去左玩「體感觸控隔空夾禮物機」，依個遊戲只需要係愉景新城場內消費滿$100，就可以玩啦~

玩法都好簡單，只需要對住個螢幕控制前後左右，咁就可以落到波波~係姐姐幫忙之下，話咁快小小豬就夾左個波波~

一聽見獎品係蘋果一大支，為食小小豬就要即刻去換禮物啦~

接住我地又去左玩「We嘩!地質公園」，唔好睇佢只係簡單嘅玩下沙咁，但其其實每挖一上沙，沙池上嘅Projector會自動識別到唔同嘅地形，從而投射出山峰湖嘅景像，真係好神奇好靚呀~

靜態完之後，小小豬又要嚟動態一番，去「反斗挖掘樂園」跳下彈床啦~

之後我地出左戶外區，「嘩啦!嘩啦!撐艇仔」先~

其實我有啲想同小小豬一齊玩「 We嘩!水上飄」，不過小小豬話依個遊戲只可以係DADDY陪佢玩，我用盡方法佢地係好堅持，所以我地就睇人地玩啦~

返到入室內區，小小豬就俾「親親乳牛」吸引住，佢話要做農場職員做牛奶夫哦(其實佢係想玩水就真)~

「小森林大歷險」都係一個小小豬好鐘意環節，當然啦....因為又有得放電不停跳跳跳嘛~

之後我地去玩下啲小遊戲「木桶過三關」及「鴨仔逐隻捉」，雖然小小豬看似好有姿勢但其實都係唔中，不過在場姐姐都好人，分別俾左兩份小禮物佢，等佢有返啲安慰感...哈哈哈~

終於嚟到小小豬另一個好期待嘅遊戲，就係「小小工程師」。有成三層樓高嘅充氣瀡滑梯，唔好話小小豬鐘意，我都好想瀡埋一份啦~

不得不提主辨機械真係好細心，為入場玩嘅小朋友免費送贈全新護踭一對，咁就唔怕瀡落嚟時引致磨整損手仔啦~

依隻爛玩豬來來回回瀡左都有十幾次，仲同我講好刺激好好玩添呀~

玩左啲咁剌激活動，係時候文靜一下，去「We!嘩藝術廊」砌屋仔啦(順便係俾我休息..休息下呀)~

話咁快就大功告成啦~

文靜活動唔好俾佢停，坐定定去玩「We!嘩造型流沙」啦~

之後嚟到我自己覺得好正嘅「竹棚遊樂場」，竹棚係由一班資深嘅搭棚工匠所建，入面有竹棚滑梯及竹韆鞦，再配以氣球達人Jeff老師嘅氣球樹屋設計，真係好吸引呀~

一啲傳統玩樂方式比新潮玩意來得更加好玩，所以都要讚賞一下大會今次引入依個竹棚遊樂場，等小朋友可以感受一下傳統嘅樂趣呀~

之後我地就去另一邊玩區，又嚟「We!嘩抓抓樂」啦~

當然唔少得「越野天地」，小小豬又嚟狂跳一番啦~

由於今日係平日，再加上我地十二點幾就嚟到，所以人流都唔算多，輕輕鬆鬆咁排隊就可以玩遊戲。唔覺唔覺我地都玩左差唔多三個幾鐘，如果唔係因為之後要去學琴，我想小小豬仲可以繼續玩，佢真係精力無限呀！

嘉年華做到8月16日，如果大家有興趣，可以趁依個周未去玩一轉啦！