薯片又有新攪作！！ 今次又是「湖池屋」， 薯片CrossOver生果， 本來罪大惡極的薯片， 簡直變到健康食品一樣。(自己呃自己真係好容易架！！)
黃小姐大力推介:「我尋日試咗包香蕉， 真係幾好食...(得香蕉， 柑， 同桃咁少味？)， 日本都係出咗三款味咋喎」(點解唔出齊士多啤梨， 蘋果， 橙呢？？)
我付款時黃小姐又講:「個日本仔話三包溝混一齊食， 就係雜果咁喎， 你今晚返去試下。」(咁正？？ 雜果薯片， 講到咁吸引， 一定快快試)
一回到家， 阿太見到我三包薯片便說:「出咗個幾月啦， 你E家先試， 人哋話香蕉好難食喎...」(你哋講喎， 你試過未吖？)
一打開三包薯片， 柑味的氣味似十足朱古力橙餅一樣， 而桃就是三款當中最香， 香蕉就十足香蕉乾的味。(總知三包都好鬼香)
味道方面， 最最最好食一定是桃， 又清又甜， 柑味其實也不錯， 但帶有少少酸， 香蕉是三隻味道當中， 最悶又不特別的一款。 (今次阿太又無講錯喎。)
三款味道一齊食， 有沒有變成雜果味呢？？？ 學阿囝話齋:「咪米一樣？？有咩分別？？咁一樣都無辦法㗎？？？」(原來小朋友唔Like甜味薯片...)
生果薯片每包$9
PS: 樂駝柒正有「神」「京」「板」地元草餅推介...有時間可以去順便睇睇。
地址：觀塘開源道60號
【破天荒!! 生果薯片】柑‧蕉‧桃~雜果薯片大測試!
https://www.facebook.com/hayakutang
