試用醫學活髮精華

謝謝美國雅培公關姐姐邀請，今次有機會試用佢地嘅CG210 醫學活髮精華~

一向都以為美國雅培只係推出嬰幼兒用品，如果唔係今次試用安排，我都唔知原來佢地都有推出防脫髮產品，真係連媽媽爸爸都照顧到呀！

其實我啲頭髮看似好濃密，但其實我每次洗頭之後，看一看個去水位，都真係幾驚人，因為都佈滿好多頭髮呀(希望冇嚇親大家)~

驚嚇性都未算，每朝起身第一下梳頭，真係成手頭髮呀~

所以當我收到產品時，我就即刻開始試用，希望可以減少脫髮啦~

美國雅培 CG210 醫學活髮精華嘅主要功用係停止生長期頭髮進入退化及根除微炎症令冬眠頭髮再生。另外，亦都有助強健髮根、活化滋養頭皮、調理髮質、頭髮強韌。頭髮有滋潤，咁就可以減少脫髮、提升濃密度、鞏固髮根及幫助頭髮重生啦~

用法都真係好簡單，只要早晚使用一次，於頭皮不同位置噴10下，然後就用手係頭皮上輕輕按摩至完全吸收，咁就得啦~

我好乖乖依照指示用左一個月，用嘅過程都冇任何唔舒服，頭髮都同平時一樣~

用左一個月之後就見到個明顯成效，因為依家起身第一下梳頭，唔會成手頭髮啦~

今次試用效果都唔錯，最好就係洗頭時甩少啲頭髮，咁就唔洗再俾老公話我啲頭髮塞住個去水位啦...哈哈哈！

整體上我都會推介俾成日甩頭髮嘅朋友仔，因為甩頭髮又真係一件好頭痛嘅事，所以快快解決佢啦！