M&S Cafe 夠大夠正夠Feel 喜出望外 @太古城 Marks& Spencer

半個月前，阿太說:「太古城嘅Apita裝修完喇，一樓成層變咗做Marks& Spencer，仲有間CAFÉ添，試吓囉！」 M&S香港首間Café一定要去試！！

Café位於M&S最入的位置，自成一角，非常光猛及寧靜，而且面積不算少，看資料指約有1600呎。我愛這種光亮的感覺，黑黑沉沉總嫌一定有污糟邋遢，只不過太黑我見不到呀！

一走進大門口，一張長長的雲石枱上放置了4款蛋糕及2款CupCake任君選擇，最初打算飯後再來挑選，不過，因為今餐吃得太飽，下次一定要試齊三款蛋糕，(四揀三，因為海綿蛋糕我不太愛)

不用排隊輪候，真的喜出望愛，7時入座顧客不多，到8時左右，開始陸續坐滿，全店有4張英式皮梳化，最吸引我，不過，今次無機會在大梳化上享用晚餐，下次再來看看有沒有緣份喇！

原來Café的食物全部由英國運來港的，因為我本來想點咖喱雞，但女店員說售罄，要等下一批貨寄過來才有得再賣。

她推介我吃Fish and Chips，「我哋嗰啲真係鱈魚嚟架」，真的入味入到不得了，好食！！ 而且這裡的食物即叫食整，雖然等候時間耐了一點，但上枱時全部熱辣辣。

薯條更加一絕，炸與焗的感覺，完全不同，當然熱氣就一定，但就好食到停唔到口。

阿囝指定要朱古力，他問點解有塊餅乾，我話送給乘的小朋友，他不知多歡喜，笑住吃了一口，大叫:「超好味呀！！」，還慷慨的遞上給我試食，以為被讚賞的小朋友食得特別開心。

我點了檸檬薑茶，阿太說不錯，嚴格來說檸檬茶加入點點薑味點綴，可能我慣飲重味的薑茶，所以不能以我日常的口味作準，不過Café的茶壺只可以添飲，以後有時間可以慢慢嘆喎。

暖暖的英式鬆餅，我習慣要配大量忌廉，配勁多果醬，不過因為阿太不太愛甜，所以今次配料份量剛剛好，下次真的要問問配料可否再添食呢？

最後上枱的是焗芝士通粉，個人比較愛焗肉醬多一點，不過跟通粉送上一份沙津，還附有沙津油，好細心的配撘，沙津非常醒神，好好食！

今晚我們坐在卡位，座椅夠寬躺，坐得舒服，這裡沒有IKEA Cafe的嘈吵，又夠開揚， 最愛願意推介食物的店員，總比其他店的員工，怕會得罪老闆，官腔口吻「樣樣都好食！！」

最理想就是全場香港人，真的香港人主場…哈！！哈！！ 今晚食得好好好開心。(如果坐在Café中間的膠椅，感覺會打8折喎)