【OnePiece2年後...】索柏‧白星玩變臉 @ 7-Eleven 的偉大航道

剛剛好又是2年... 漫畫中「頂上戰爭」的2年後， 路飛相約大家重聚泡泡島...(當年好興奮的重新出發篇...)

原來， 一霎眼距離上次7-11換One Piece公仔， 又是2年...(雖然， 其實2013年9月的公仔版本已經是新世界篇的造型...)

上次「烈陽號」層架代表性大於一切， 但絶對沒有今次的Franky將軍好玩。(因為佢真係一個獨立大公仔嚟㗎)

芬奇大將軍真的愈看愈鍾意， 沒有錢買他的超合金， 擁有這個中膠款， 我覺得升值潛力可能更加之大喎。

好多謝PR送上一套8位， 經過嚴格訓練而變強的One-Piece 主角。阿囝拆玩具非常興奮:「嘩！好大盒呀！！ (你都無睇過套漫畫)， 但係我識E個叫路飛㗎」(咁都得？)

雖然， 我不明白為何不一次過推出十二款...(可能第二期會有另外新驚喜成員？？  真係好心急)

哈！哈！哈！ 今次海賊王角色， 個個也有配件可作更換， 絶對是7-11公仔的一大進步. (前年第一代One Piece， 個個都只係一舊膠公仔， 全無可玩性嘅)

玩得津津樂道的阿囝: 「路飛出嚟啦...爸爸..我唔記得E隻鹿仔叫咩名呀！」 (吓？ 上次時代廣場你又話最鍾意係索柏嘅)

「人魚公主」白星靚得連6歲小朋友也大讚， 「E個公仔最靚！.. 不過...爸爸， 點解個圖有2個公仔， 你得8個嘅？  (因為分開兩次出囉！！)， 係咪壞人遲啲出呀？？」(佢哋唔係壞人嚟喎)。

今次， 路飛右手可以施展「橡膠象槍」， 山治「惡魔風腳」(雖然我鍾意插上手...)

不過， 索柏和白星， 兩個剛剛好就是可以換臉...哈...我趁囝去了沖涼， 我就偷偷地將兩人的臉交換...玩FaceOff...(連Franky都被嚇到傻！！)

哈哈...嚇到連路飛和Ace也走出來， 大叫:「唔好攪啲恐怖嘢呀吓！！！」

印花派發日期:　7月15日早上7時 – 9月22日
換購日期: 7月15日早上7時 – 9月29日

參加「集結海賊王力量」遊戲， 大獎可以嬴到雙人來回東京機票， 出發喇！