今晚我們又去大角咀， 因為我們想逃離現實， 闖入「中世紀」...
一間開業只有5個月的小店， 由營養師阿Rei兩夫婦經營， 健康食品， 配全店刀劍任試， 簡直好玩到不捨得走。
「中世紀」的劍， 大部份也是數百元， (開封會唔會傷到人架？) Rei說:「因為鋼水太脆， 就算開封都好易斷， 做擺設好啲」
因為阿Rei是教營養學及教健身， 所以食物包食得安心..「藍梅配提子」(圖右)， (少少苦澀， 但飲落好有層似感咁透入胃， 好飲過普通果汁㗎...)
一杯連皮， 連肉， 連核一齊打出果汁， Rei:「所以好高纖維， 唔甜， 出面果汁只係肉， 我哋成個生果嘅營養都完全出返嚟」
阿太細細聲話:「沙津菜好甜， 唔知係咪心理作用， 啲雞蛋都好似好食啲咁...」
其實， 我都覺得這款雞絲沙津真的超班...不過小朋友不愛吃菜呢...
主題Cafe當然有主題食物， Rei的盾牌曲奇， 武士朱古力蛋糕， 全部也走不出阿囝的手指罅。
(點解你哋8點閂門咁早嘅？) Rei答:「因為我哋無請人， 我又唔想老婆咁辛苦， 而且飲咖啡太夜飲都唔係咁好啦」
(點解你咁大隻嘅？)笑笑口的Rei:「我以前教健身架， E家瘦晒啦...」(吓？你老鼠仔粗過我大脾...都叫瘦咗？)
食飽飽當然就可以玩...(我等了一整晚...正呀！！) 21磅的鎖子甲， 真的很重， 阿囝見到我穿， 即時說:「嘩！犀利呀...好涷呀爸爸你...我都想著呀」
Rei開口:「小朋友唔著得呀...好重架， 不如你淨係帶頭盔啦」(你講一句， 真係好過我解釋10分鐘...Thx)
(係咪咁就係一套？) Rei解釋:「唔同年代㗎， 鎖子甲就係2000年前古羅馬帝國， 頭盔就係13世紀嘅...」(原來武士裝都咁有學問架？)
鎖子甲值$3000， 手套則$1900， (嘩！好貴..合照完， 快快歸還...好怕阿囝整鬼爛就死)
著衫容易， 原來還原好難， Rei說:「我幫你啦...你垂低身， 就可以好輕易瀡件甲落嚟架啦...」(真係喎...專家一講， 真係一啲都唔難喎)
洛印戰士的斬龍劍就是Rei的最愛， 「E個鎮店之寶係非賣品， 或者遲啲我好窮困可能會賣掛...哈哈」
聞說Rei答應過， 任何人可以自由揮舞這把17.2公斤的斬龍劍， 就可以免費任飲咖啡喎， 不過暫時還未有人做得到。(重過部電視， 攞一陣都難啦...點舞呀？)
對於武器， 頭盔...阿囝非常興奮:「我要飛鏢， (配音)FI FI FI...」， 我好怕要賠給老闆， 不過Rei說:「正常嘅...嚟親嘅男人， 無論阿叔， 阿伯， 小朋友， 都鍾意武刀弄槍」
(我驚阿囝日日係屋企不停亂舞， 到時一定死硬喎....不如得閒嚟E度玩好D呀？？)
地址:大角咀櫸樹街
【免費變武士】幾十件兵器任你舞
https://www.facebook.com/hayakutang
