【麵包大平反】人氣西瓜方包! 支持香港出品

六月尾某天九里香的阿Kit問我:「有冇興趣試西瓜包？」我答:「咩嚟架？聽都未聽過喎...」

後來得知台灣忽然人氣推崇...一聽到「人氣」兩字， 二話不說即刻答Kit:「即刻幫我訂一條」

同一晚， 同事阿面又忽然讚好了灣仔「Tomakukki 喫茶店」的專頁， 內裡講述台灣宜蘭的【幾米烘焙手創坊】， 抄了香港「喫茶店」的西瓜方包，還說是自己原創...

上了【幾米烘焙手創坊】的專頁看看， 驚為天人， 店長不停遭圍攻。(嘩！原來台灣人真係好善惡分明， 好有大義滅親嘅感覺。)

 「請你尊重我們的創意，好嗎？」， 原來， 遠在天邊， 近在眼前， 無理由不立刻去試試我們香港人的光榮吧。

致電「Tomakukki 喫茶店」， 店主梁小姐說:「其實， 我哋靈感都係來自當年「日本方型西瓜」的概念， 最初研發日子就是2014年4月」

如果四日前預訂每個西瓜包售$98， 但我只是三天前訂售， 所以要付$118， 取包當天， 店員阿菲說:「記得室溫可以放三日， 之後要放雪櫃， 唔係會發毛呀！

(吓？原來你哋已經發明咗成年...點解我之前未聽過嘅？)阿菲:「係呀...好多人經過見到Display都好驚奇， 所以你唔知， 一D都唔出奇」

(係咪個包真係西瓜味架？)， 阿菲:「其實係普通方包味道， 不過綠色部份就係綠茶， 黑色是竹炭粉， 紅色是顏色粉...如果食唔慣淡口味， 渣果醬， 牛油都好食」

我好老實跟阿菲說:「其實， 一百蚊一條方包都幾貴， 試一次就無所謂， 但我唔會日日食囉...」(發咗達應該會卦)

阿菲答:「都係嘅， 我見通常啲客都係買嚟過節， 慶祝用， 試過有人當生日蛋糕囉」(如果當生日蛋糕又慳得滯呀？)

試食大員SY:「無味嘅...(咁好唔好食呢？)...可唔可以好似早餐渣果Jam呀？ 」(根本就係白麵包麻， 結果渣了煉奶， 就迅速被KO)

我覺得今次「原創」事件， 可以看得出台灣人非常正義， 追看宜蘭包店的專頁， 店主真的不停被當地人狗血臨頭的追擊。

作為幫香港人發聲的行為， 雖然事件不關我事， 但也覺得感動。所以事實証明， 大話真的不可以亂說， 尤其在網絡世界上， 更加不可以假。

地址:灣仔莊士敦道