小朋友的洗髮露及沐浴露

謝謝公關姐姐為小小豬家送上來自美國的Grandma El’s的洗髮露及沐浴露，今次就到小小豬成為試用大使啦~

每一次俾小小豬試用嘅產品都一定要做下功課，尤其小小豬係一隻濕疹豬，用沖涼用品一定要好小心嘛。

上網睇到有關Grandma El's產品資料，原來依個品牌於1972年係美國所研製的至今，而且Grandma El's仲係通過皮膚科醫生及兒科醫生測試，所以我都幾放心俾小小豬參與試用~

Grandma El’s ® Baby Wash 沐浴露~

含有豐富天然蘆薈、日本綠茶及黃瓜提取液帶，可以給皮膚涼快和舒緩的作用。當中不包含任何刺激性成份，而且接近中性的酸鹼值和抗氧化劑都為小朋友嘅幼嫩皮膚得到最大的呵護。

以小小豬身體嚟講，只需要一個一蚊銀嘅沐浴露份量就夠啦~

之後慢慢卒到起泡，就可以塗晒成身啦~

小小沐浴露就可以有多多泡泡，我同小小豬都好鐘意多泡嘅沐浴露，因為感覺上多泡就會乾淨啲嘛...哈哈哈！

Grandma El’s ® Shampoo 洗髮露~

以純天然洋甘菊及蘆薈配方能，專為嬰兒敏感皮膚而設，因係提供一個柔軟滑膩的泡沫，有助於保持清潔不澀眼睛，而且接近中性的酸鹼值防止刺激眼睛。

洗髮露都只係需要一個五毫子銀嘅份量就夠啦~

先把頭髪弄濕，然後把洗髪露塗在頭上，卒至起泡沬後，再用水清洗就完成啦~

小小豬之前一向都係用開啲2IN1(即可以用沖涼又洗頭嘅產品)，專用洗髮露都係第一次用。唔係我懶呀，之前用開嗰啲係話兩用嘛，我只係聽話呀...哈哈哈！

可能係專用洗髮露關係，我地都發覺小小豬用左之後一星期，啲頭髮明顯係順滑左呀。

我同小小豬轉用左Grandma El’s嘅洗髮露及沐浴露都差唔多有一個月，整體上效果都唔錯，最重要係小小豬身上都冇出濕疹，我都已經覺得合格啦。另外，我覺得好嘅就係佢有一種香得嚟又清清地嘅味道，小小豬用完之後就成身香噴噴，咁係夏天用完都唔會變臭豬啦！