【預防敏感】二手煙, 剖腹產子敏感誘因

同事今日在我旁邊， 聚精會神睇報紙...八封的我當然望一望啦...原來她正在看有關預防敏感的方法...

(你有咩敏感呀？) 同事:「鼻敏感， 濕疹囉....我睇緊我個B點預防...唔係我」(一齊研究下)

原來剖腹產子的敏感風險比順產高， 鼻敏感足足高1.23倍; 避免二手煙， 敏感風險高達3.6倍。

我都有溫書， 因為同事剪低所有報紙， New born頭6個月最好以全母乳餵哺， 或使用部份水解蛋白配方奶粉， 那就有效減低敏感風險33％

原來香港每5個小朋友有1個患濕疹或鼻敏感。2012年分別有880萬及410萬兒童患皮膚敏感及食物敏感。

敏感的成因

1. 家族遺傳， 如果父母均無病歷， BB有敏感機會：5-15％; 如果父或母一方患敏感症，  BB敏感機會：20-30％; 最後， 父母均患敏感症， BB敏感機會：50-60％

2. 免疫系統未成熟

3. 第一週接觸完整牛奶蛋白的嬰幼兒，敏感風險比母乳餵哺高4倍， 常見嬰幼兒致敏原包括:牛奶蛋白、雞蛋、花生、海鮮、塵蟎、花粉、貓狗。

- 世界過敏組織(WAO)將預防敏感分為3級:

第一級預防 母乳餵哺，遠離二手煙及空氣污染物

第二級預防 遠離已知致敏原來減低敏感徵狀

第三級預防 透過治療疾病來減低敏感徵狀