FC Pocket 試玩

FC Pocket 盒面加咗幾個唔識既日文，再加句咩30週年限定，唔好以為係任天堂為紅白機推出既30週年紀念產品，問過老闆，呢部係我國既新產品，推出無耐，香港有代理;老闆話年代悠久，版權已失效，故此機不存侵權問題，喺本港光明正大地賣。

此機外型似足紅白機手掣，中間加隻小彩芒，再配以鋰電池，可連續玩4小時;FC Pocket 本身已內置400幾隻games，機身設卡槽，跟機再送百幾隻games既卡一張，合共600隻，我問咗老闆一個問題，問完就覺得自己問錯，我話日後仲會唔會有game卡推出，老闆話紅白機600隻都差不多齊了吧!?無錯，應該齊了。另外機身設有AV輸出，可接駁電視大熒幕輸出，唯一要彈都係雞蛋裡挑骨頭，就係冇雙打。

此機價格浮動兼海鮮，最貴見過$500，最平見過$380…，作為精明既消費者，你識得揀既。