由淺入深激玩南太平洋「水遊戲」

由淺入深激玩南太平洋斐濟「水遊戲」

來斐濟旅遊，齋睇景點夠喉？激玩至係旅遊斐濟的意義。在浩瀚的南太平洋上，駕著水上電單車飛馳，浪花四濺，速度帶來無比快感，試過你就知，點解個個嗌破喉都要玩！在海面飛馳的速度感，實在令人興奮。唔歡喜得個快字，無問題，坐快艇降傘在天上漫遊，望住碧綠大海，強勁海風撲面而來，爽到要大嗌「點解! 點解會咁正呀」！

1517715562 激玩海陸空斐濟官感刺激大放送

1798697110 激玩海陸空斐濟官感刺激大放送

277606619 激玩海陸空斐濟官感刺激大放送

Adrenalin Fiji

網址：www.adrenalinfiji.com/activities/jet-ski-tours

若覺得水上電單車、快艇降傘等只屬小兒科玩意，那麼必定要試試Flyboarding，體驗在離水面30呎飛躍翻騰的樂趣。Flyboarding的原理很簡單，特制噴射器以噴水方式產生爆發力，令你在水面升空。事前只要跟教練學30分鐘，就立即如願以償變身水上Iron Man，一嚐當超級英雄的滋味。今次仲唔型過Robert Downet Jr.

1155237258 激玩海陸空斐濟官感刺激大放送

Tropical Watersports

網站： http://www.fijitropicalwatersports.com

由虛擬變真實的力搏大魚天堂

若平時打手機Ace fishing已經叫你興奮到震，睇Discovery Channel嘅力搏大魚，已經令你心跳加速到透唔到氣，來斐濟，一於把虛擬變成真實，親身感受大魚上釣時，魚桿彎曲成「J」字型的極樂快感。Great Astrolabe Barrier Reef一帶的珊瑚礁和海床是各式各樣的魚類棲息地。釣魚發燒友齊齊大展身手，珍奇巨物隨時成為戰利品。上釣超級大魚當然要拍張勝利照，上載到社交網站向友朋示威啦！

883523332 激玩海陸空斐濟官感刺激大放送

785539412 激玩海陸空斐濟官感刺激大放送

Bite Me Gamefishing Charters

網址：http://gamefishingfiji.com

坐遊艇易過搭的士

一人有一個夢想，有無想過有朝發達，出隻遊艇「晒晒命」？來到斐濟，發達嘆世界唔使靠六合彩！斐濟四面環海，出海分分鐘方便過搭的士，這裡有好多帆船、遊艇出租或舉辦遊船河活動，揀啱就立即出發，乘著海風暢坐遊艇遊南太平洋！由超過3百個島嶼組成的斐濟，唔少小島還未開發，順道探索僻靜、渺無人煙的美麗海灣，在不受騷擾下曬太陽、浮潛睇珊瑚、漫步白沙灘，悠哉游哉度過一個富豪級的快樂時光。

32070901 激玩海陸空斐濟官感刺激大放送

South Sea Cruises

網址：http://www.ssc.com.fj/

605543377 激玩海陸空斐濟官感刺激大放送

Sail & Surf Fiji

網址：http://www.islandsurffiji.com

1543082201 激玩海陸空斐濟官感刺激大放送

Boatbooings

網址：http://www.boatbookings.com/

勇闖斐濟內陸黃沙飛揚ATV

無可否認，斐濟的無敵大海很吸引，水上活動多籮籮，假期多多都玩唔晒。不過，別忘了分配時間離水上岸，因為陸上同樣有刺激玩意等著你。坐上500cc大馬力ATV，狠狠踏住油門，快速轉動的引擎帶你風馳電掣於叢林平原上，車輪激起黃沙飛揚，盡管嗌破喉嚨吧！

562337430 激玩海陸空斐濟官感刺激大放送

326680168 激玩海陸空斐濟官感刺激大放送

Go Dirty Buggy

開心要share，不如一齊go go go dirty buggy！坐上最多可載四人的小形越野車，勇闖斐濟內陸，上高地落泥沼，車身狂搖不定，污泥河水濺上身，雖然玩到成身污糟，但出得來玩，就預咗一身泥「扮」，咁至夠wild！沿途還有導遊講解，一邊玩一邊認識斐濟，真係刺激中學習。

270204639 激玩海陸空斐濟官感刺激大放送

224999313 激玩海陸空斐濟官感刺激大放送

489187939 激玩海陸空斐濟官感刺激大放送

Westside Motorbike Rental

網址：http://www.motorbikerentalsfiji.com

Off-Road Cave safari

斐濟有的不單是海靚；斐濟的內陸同樣精彩。參加「Off-Road Cave safari」行程，坐越野四驅車遊山玩水，近距離睇真斐濟的天然寶庫，探索斐濟原始風情。由Sigatoka Town開始，穿越Sigatoka Valley，抵達斐濟村落，了解當地人的起居生活和習俗；之後，深入斐濟最大洞穴Naihehe Cave，拿著電筒澗水摸石尋幽探秘。探險後，耗盡體力，再食餐斐濟式海鮮補番數，為旅程畫上完美句號。

91642279 激玩海陸空斐濟官感刺激大放送

345119824 激玩海陸空斐濟官感刺激大放送

795372450 激玩海陸空斐濟官感刺激大放送

745154162 激玩海陸空斐濟官感刺激大放送

303073114 激玩海陸空斐濟官感刺激大放送

710368612 激玩海陸空斐濟官感刺激大放送

OFF-ROAD CAVE SAFARI

網址：http://www.offroadfiji.com/gallery

女仕們的身心靈差電站

男與女大不同，男仕愛刺激，女仕愛扮靚。女仕來到斐濟，做Spa一定係必然選擇。在斐濟，五星酒店度假村林立，間間自設頂級Spa。例如Intercontinental Fiji Golf Resort & Spa，其Spa特色之處是混合療法，回復身心靈平衡。在海濱小屋做Spa，沙沙海浪聲環迴放送，技師熟練地按摩、護理肌膚，嘆到唔捨得走！大呼:「我要做Fiji top model」!

430150669 激玩海陸空斐濟官感刺激大放送

Intercontinental Fiji Golf Resort & Spa

網站：http://fiji.intercontinental.com/

酒店以外，斐濟都有多間口碑載道的一流SPA，梗有一間響左近。無論室內裝修或隔局都經過精心設計，由你踏入門口一刻開始，立即feel到成個人放鬆。療程賣點是「天然」，採用斐濟天然植物研制的產品幫你去疲勞、潤飾美肌。卧在床上眠一眠，醒來全身煥然一新，就連靈魂都似潔白無暇！

1036115391 激玩海陸空斐濟官感刺激大放送

Pure Fiji Spa

網址：http://www.purefiji.com

瞬間半空「雀眼」看斐濟

完成海陸之旅，是時候向空中飛！保持原始生態地貌的斐濟，沒有很多高樓，視野廣闊。從平上睇風景，總係未夠大開眼界，不如坐上直升機或小型飛機，飛越熱帶雨林、氣勢磅礡的大瀑布、連綿起伏的山脈，從高空360度無遮無擋鳥瞰斐濟整個版圖。數十分鐘的航程，你會發覺自己變得只識講一個字:「嘩！嘩嘩！嘩嘩嘩！」

331753364 激玩海陸空斐濟官感刺激大放送

Pacific Island Air

網址：http://www.pacificislandair.com/

坐飛機或直升機空中漫遊，舒適寫意，但嫌隔著玻璃看斐濟，「隔重沙」，未夠逼真？有「吉士」的話，做好準備，來一趟驚心動魄的空中跳傘旅程。直飛上1萬4千呎高空再一躍而下，心跳、血壓、腎上腺素急升，free fall 的感覺無比刺激，可以話係人生最長嘅一分鐘，當降傘打開之後，除除降落地面，整個世界只聽到自己的呼吸聲，無阻隔在空中盤旋，腳底的碧海、白沙灘、青翠山林，斐濟立即成為揮之不去的印記。

603566174 激玩海陸空斐濟官感刺激大放送