【我不是打手】美少女賣雪糕~睇頭贏晒

大熱天時，當然食雪糕最正... 飲食男女介紹，登打士街有日籍老闆娘賣Soft Cream，祟日仁怎可以不去呢？

不過， 今日去到...女店員操流利廣東話， 絶對百份百香港人喎。

原來Virginia說:「老闆娘多數夜晚先返㗎， (緣慳一面)，你可以晏少少再嚟」(可惜我趕時間)

Virginia見我身水身汗，竟然主動遞上紙巾，「畀你抹一抹汗」(忽然感動得，未食雪糕都成個仁溶晒)

因為士多啤梨味是這兩周的新產品， (Menu都大大隻寫住Osusume，無理由唔試新嘢...雖然我最想食士多啤梨溝抺茶，但今日不設供應喎)

Angle一邊幫我加入蕨餅， 白玉， 一邊說:「我自己鍾意牛奶味多D， 因為濃過出面嗰D」Angle非常好人給我老闆勞先生電話。

其實， 2個月前我也有來過，當時只有勞老闆一人，不見日藉老闆娘，我說:「介唔介影一影雪榚製作過程呢？ 同埋點解你會同埋日本女士合作攪雪糕店呢？」

勞老闆坦率得非常可愛:「你寫blog...我點知你係唔係啲打手嚟寫衰我㗎？ 同埋我同傳媒都無講，我驚我講畀你知，D傳媒會炸我型」(吓？？你會唔會諗多咗好多？)

我覺得我手寫我心， 兩位店員態度親切， 又有禮貌， 能夠聘請到如此有禮貌的員工， 絶對「執到寶」。至於雪糕...

Angle說:「士多啤梨雪糕， 用真正生果混入雪糕漿打成」(係！ 今日34度食雪糕一流，不過這裡的雪糕， 奶味感覺少咗啲，沙冰質感多啲，完全無藥水味，真係好士多啤梨)

估計勞老闆知道兩個月前， 「麻甩佬」賣雪糕，賣點不及美少女，更不及出動日本老闆娘親自銷售，生意頭腦忽然成功開竅。(出橋的一定要讚啦...)

今日要特別多謝Angle，及Virginia， 妳們真的超好人。

地址 : 旺角登打士街