【浪漫長廊市集】齊齊為愛好打拚 @西貢

8年未踏足過西貢， 原來這小小的地方， 已經變得如此熱鬧.

相關網誌:

最親情~許姑娘家鄉茶粿 好食！

寄給未來自己的情書 @ 西貢

在街頭突然傳來如星戰R2-D2說話聲的音樂， 非常另類， 原來是來自一支最古舊的吹管樂器出來的聲音. (高過我一支大竹)

玩音樂已經有6年的Relief說:「E支係纖維造嘅Didgeridoo我玩咗2年， 其實你用珍珠奶茶飲管， 都可以有差唔多效果」(好在有抄底樂器名...唔係畀我實讀唔返出嚟添...)

想不到我與Relief也算有緣， 因為他與朋友開的民族店， 正正就在我上次去百寶利食伊斯坦堡菜隔離， 有空我一定來探你聽你玩音樂.

hkRelief 道求

Ray， Ricky， 及Henry都是咖啡友， 不停上網買相關用品， 慢慢發現台灣品牌價錢較日本貨便宜， 質素又不差， 於是決定引入， 利用業餘時間， 在西貢市集擺檔推廣.

擺檔只有約2個月的Ricky說:「French Press最抵， 最多人買， 平啦， 10分鐘連油脂都唔會被索走， 你飲就更原汁原味」($40又真係幾抵嘅)

咖啡懶人包， (左)耶加雪夫~ 最受歡迎， 三隻中最酸; (中)薩爾雅多~用溫泉浸泡， 帶中性; (右)中南美洲危地馬拉 ~不太酸味甘.(連包裝亦是由三人共同設計~勁！)

Henry 親自示範不用電， 手壓Espresso機， 這是他的至愛. (剛剛好攪笑的和圖右下角那超人杯姿勢一模一樣)

Oppa Cafe

阿聰與女朋友， 以環保為目的開檔， 數個月前， 她們經過一間酒吧， 發現店員準備掉走兩大袋啤酒樽， 於是就激發起阿聰想製作環保杯的念頭.

 每晚酒吧也最少棄掉200個玻璃樽， 阿聰:「如果唔循環再用， 香港會愈嚟愈多垃圾」

(係米好多鬼佬幫襯？)阿聰:「又唔係喎， 香港人買多喎， (好唔好生意？)， 都幾好㗎， 原來香港人估唔到咁支持本地創作喎」

本來做木工的阿聰指， 製作一個玻璃杯大約60分鐘， 而最令他滿意的作品， 就是右手邊的大獅子， 阿聰說:「都幾有氣勢吖」

little hap.b

自從上次去長洲發現有情人鎖之後， 今日在西貢， 我又發現大量類似單車鎖的東西， 原來正是其中一檔出售的.

我問店員是否合法呢？ 女店員說:「係呀！我哋有申請嘅」好大舊的「願望石扣」十足一個濾水水龍頭一樣， 點解要計設得咁「論盡」呢？

單買$38， 如果2對情侶去買最好， $80有4個， 雖然可以畫畫在中央位置， 但傳統就是扣鎖仔， 這個超巨型的水龍頭， 真的很怪型怪相.