【懷舊合金】宇宙刑事巨大戰艦系列

宇宙刑事三部曲，三隻SHF好多師兄師姐都有出過帖，我唔再多講，今次轉為講下佢地幾隻DX母艦。

首先出場既係卡邦既電子星獸:

當年出既超合金，條龍同飛碟可分體结合，结合後隻飛碟可360度氹氹轉，成隻嘢合金成份相當高，十分重手。

跟住係謝邦既巨大宇宙空母:

可變形為母艦及機械人形態。又係非常重及大隻，艦身大部份係合金。由於重得滯，攪到機械人形態時會向前中，好似Dup低頭咁.....
細個果陣覺得佢好鈍，機械人形態成個燙斗咁，唔多鍾意佢，但係人大左反而覺得佢好形好有科幻味道。

再跟住係沙達既巨大次元母艦:

可以變化成3個形態今次，分别係母艦，機械人同手鎗。今次更大隻但係就非常輕，含金量非常低，只係得腳碗位係合金，不過多左個mode可玩性提升翻。同樣地细個唔識欣賞，大左先覺得佢有味道。

同場加映既係巨獸特搜母艦及主角人形合金:

此為宇宙刑事三部曲後東映再斬四両之作(全新故事，同宇宙刑事冇關聯)。主角造型強烈咁充滿宇宙刑事既影子，咁當然佢係特撮界地位同前者相距甚遠，不過東映亦由此作開始訂定左日後金屬英雄特撮既大模式。件合金同樣可變形為母艦及機械人，機械人形態仲非常之四正添。唔知個主角有冇機出SHF呢？

最後整幅宇宙刑事全家福！

多謝收看！第次得閒又再分享過。