宏利$500外傳: 乞食何價

宏利$500事件雖然係真心柒，不過為廣告界/Marketing界/Media界/公關界  (其實即係同一個行頭內) 嘅食物鍊底層small potato狂抽咗幾啖涼氣。

話說作為Blogger又作為Media從業員最大嘅分別就係薪酬，無錯!! 人類工作都係求財姐，人工包咩大家心照啦~

在我而言無論Blogger又或者Media都係計算喺同一條線上面，有酬勞做宣傳要讚係天經地義嘅，有車馬費嘅，道義上都會擇優而講。

而一眾無酬嘅，接唔接選擇權就喺我度。

點解Blogger有酬宣傳會俾人鬧乞衣? 乞食都要有對手，大家有無諗過係行業內嘅惡性循環。公關界奇人奇事大家聽唔少，我工作上多一層小壓力就係小心小心小心避免重蹈覆轍，但始終笨人何處有，笨處未算低。

今年行業內嘅客源由以往用品類傾斜咗去食肆，唔知點解好多同業都會搵Blogger去邀請Blogger試食。

講真邀上邀我都做過，不過唔到江湖救急都唔會拎出嚟用。公共關係或者人際關係即係人情，關係係需要打返嚟嘅， 除非你係身處大公司，或者邀請嘅事項係好有功效好有趣 ，唔係點解要幫你交功課? 至少我係咁諗...... 人情要還係天經地義架~至於人情何價搵時間再講。

講返重點(終於) 話說尋日收到一位Blogger幫PR搵人試食，唔需要寫文 (oh~very good 咁嘅情況我都會出返feed同ig謝謝款待) ． ． ． 只需要出openrice Post幾張相 寫少少嘢 ． ． ． 收到之後真係嗌救命!!!

呢個免費餐真係食唔落

行內無論係試食或者產品試用都咁話啦~ 最後結論一句”咩人做事就邀請到咩人囉~”
大家跑數加油啦~

文: Aminn.   Lifestyle Blogger / Freelance Writer