純澄SM：相逢是必有膽識

一曲《相逢何必曾Big Mac 》洗盡大家FB版面，繼之前「士力架」金句廣告後，又一怒洗版面廣告，經過多年，香港線上廣告總算捉到要領，不再是從前要不正經苦悶，你好想講我唔想睇的舊世代出品，或者是為抽水而抽水，卻完全不知道想表達什麼之作。

又要吸引又要有內容，重要推廣到商品，要平衡，相愛很難，難在其實雙方各有各寄望怎麼辦，《相逢何必曾Big Mac 》除了好橋，勝在細節一絲不苛，朦鏡，人物肢體動作，甚至字幕和LOGO都全力重現上世紀九十年代的卡拉OK風格，既跟原曲出處配合，又能跟產品本身經典地位呼應，真正橋唔怕舊，最緊要成就。

而「士力架」就巧妙地利用了各種香港金句，令本來在港不算很熱門的產品，忽然多了一種夠流行有膽識的感覺，後來出現金句生成器，人人可參予，UGC (User Generated Content)狂出，成為洗版利器。

很多公司機構都知SM勁又想玩，但又怕痕又怕痛，最終一事無成。要玩SM(Social Media)，要有膽量，也要有心，還要有技術，重沉醉係以前黃金時代的跟隊食尾水就開大餐？時代不同了，新世紀，人做我又做，通常係死路。