《星球大戰戰鬥倉》街機向公眾發售??

大約年幾前介紹過，由Bandai Namco，把《高達》的模擬駕駛倉街機遊戲，改建成《星球大戰》版，在美國機鋪開打的《星球大戰戰鬥倉(Star Wars Battle Pod)》。

而現在Bandai Namco決定，把該遊戲回流日本外，更決定以1千200萬yen的價錢，約港幣70萬，向日本公眾私人發售！

而可能有買過街機返屋企的朋友，也會發現，呢個定價真是貴得嚇人，因以連車殼果種體感賽車街機為例，也是七萬港紙咁上下。但有關方面，就解釋番，除左本身遊戲開發成本，特製的反應坐椅控杆外，120度的半球投影，以至個倉外觀裝置，也十分講究，有精美浮彫燈飾等，完全是物超所值至真...

真心計一下，要把呢個模擬駕駛倉搬返屋企，價錢大概已足夠去出一架，全新的德國名牌電動車有餘了！話平吾平，但話貴咩，又真是好多人的散紙而已。所以，如果各位大大有錢、有地方，就真是不仿考慮下了！