【玩評報告 】KingArts 1/9 Iron Man MK42

今晚終於係 King Arts 手上攞到第一隻 1/9 合金 Iron Man MK42, 相信大家都知今次意義十分之大，因為市場終於多一個選擇，唔駛次次都要排隊，仲要捱炒貨，什麼特別版！粗粗地同大家做一個簡單開盒報告！提提大家 King Arts 開始陸續派貨，大家不用擔心！

先睇包裝，不過不失，包裝對我黎講已經唔種要！

開棺後，可以話眼前一亮，先唔好同行頭大佬比較，同新加坡 PI比較，可以話贏左 九條街！！

比例算幾好，顏色好唔錯，起碼我唔見有出界問題！

肩部要提一提，今次KA用左一條小型彈弓連接肩甲及肩頭，當手臂向上移動既時後，肩甲會自動向上移，不太緊又不太鬆！

活動力方面！OK 正常，不過小腿如果可以緊些會仲好！

要讚一讚腳低裝有LED燈！！雖然未玩開燈，不過呢個價錢有齊全身LED燈算係低食！

而背翼亦有二段式開合，一個幾有心思既設計！

而且心口甲除下後亦有內部結構！影相一流！

最後同大家比較一下，1/6 同 1/9 MK 42，雖然大家對行頭大佬的作品讚不絕口，而當今次 1/9 放埋一齊既時候，雖然未夠仔細，有很多進步空間，不過用第一隻產品來說，絕對係睇到有心機做出來，而且是交足功課！

黎緊人偶產品市場戰將會更加激烈，十分期 HULK BUSTER 既對決 KA vs HT！！

待續...