【有片】英媽媽睇漏眼 目擊三歲女兒被高速單車輾過

在英國黑池，一名26歲的媽媽Lauren Howarth，只是疏忽有留意3歲的女兒Lucie Wilding幾秒鐘，就令她一出家門就被一部單車輾過，幸好只是部單車，故囡囡只受了皮外傷。

從閉路電視見到，本周一媽媽準備帶囡囡出街，媽媽先行走到路邊打開車門，而囡囡則在身後跟隨，豈料囡囡一踏出家門，突然就有一輪單車高速駛過，並撞向囡囡，單車完全收掣不及，直接輾過Lucie。

Lucie被輾時面部向地，手腳都有受傷，Lucie父母見狀立即衝向事發位置，他們憶述當時見到滿地鮮血，生怕女兒會就此斃命。

幸好Lucie衝出去的只是行人路，最多都只是有單車，若果是馬路，恐怕兇多吉少。媽媽憶述:「我以為她死了，到處都是血，她被撞後竭斯底里地嗌破喉嚨。」

Lucie最後只受皮外傷並已經出院，但今次意外令她對單車產生陰影，而媽媽亦感到既痛心又內疚，以後都不敢再走漏眼。

而單車手撞到Lucie後，亦跌在地上，他先被嚇呆，但之後竟咒罵這對年輕夫婦，把責任推卸到小妹妹身上，之後再慌忙逃去，不過，在這樣狹窄的行人路以這高速行駛，顯然莽顧行人的安全，但又礙於小妹妹的身高，有些盲眼位又可能很難察覺到。

可是，單車手可能感到內疚，翌日便主動聯絡警方協助調查。

▼媽媽自顧取車，忽略了身後的女兒

▼結果被高速駛過的單車輾過

▼爸爸取花叢跳出抱起女兒。

▼女兒面部受傷兼留下陰影，媽媽表明不會再掉以輕心。

來源:Daily Mail每日郵報