【芝士拉叉燒】$68八件脢頭任拉 抵到爛

街坊價「芝士拉叉燒」最近被人熱捧，家住附近的我，為何也不知道有開了新的燒臘舖呢？今日一定要專誠去巡視一下...

哦！！ 原來就是太子大南街，本來賣啤酒，薯條，洋蔥圈的Roadside，是不是做了3年還是捱不住？？所以由大舖縮成一角，由「燒味家族」頂了手？

正呀！！力撼隔離街廣東燒味，以後多一個選擇，獨市生意不太好，有競爭才有進步吧(最憎佢哋態度又唔好，又賣得鬼咁貴)

不過，一個仁中午怎吃一整碟芝士拉叉燒...還是於等晚上，三口子再來光顧

晚上下著雨，本來想將燒完的叉燒拿回家慢慢食，但店員阿榮說:「上咗碟，燒完再剷入外賣盒，之後會唔好食，不如你哋你度食啦...」

專家建議，當然要聽，燒芝士的時候，我問阿榮:「你哋頂咗之前間Roadside嚟做呀？」阿榮一邊為芝士加熱， 一邊答:「唔係呀..我哋係同一個老闆」(哎呀！好彩我無講...E個位賣鬼佬嘢，實唔得啦)

原來阿榮表示，因為有員工從前是任職燒臘，他建議老闆賣新派燒味，所以由4月開始就舖頭便變身「燒味家族」

芝士燒熔後，阿榮便拿到師傅處放上8塊肥大的叉燒上鐵盤...

「芝士拉叉燒」大公告成！！ (哦！ 睇落又幾簡單喎...)

之後當然就是影影影時間...大約3-4分鐘之後，正當我們想食之際，其實芝士已開始凝固...(咁鬼快㗎？？？)

阿榮好好人:「不如我同你整返熱佢，因為芝士好快凍...」(好吖！最好不過...)

原來這個「芝士拉叉燒」5月1日面世，本來不是太多人知道，之後上星期經傳媒報導後，每日便賣約十多份， 阿榮:「你哋啲Blogger都有幾個嚟過影相呀！」(係呀！！ 原來我今次又後知後覺喎...嘻嘻)

其實，叉燒本身放涼了，所以今次一同加熱後，情況出來好得多，而且芝士的煙韌程度很正...不過SY說:「點解一舊就用晒啲芝士嘅？？」

其實，一堆芝士包括5種， 但混在一起真的不會知道那是水牛、車打， 那是乳清、巴馬臣，只知道芝士味很濃，如果再添多一點芝士給我會更加正！！

這裡的叉燒不太算鹹，被芝士包圍住的感覺好好食...只是坐在吧枱，如果可以給我一個火煱的石油氣爐，不停加熱，效果應該會更加好 (所以尖沙嘴小韓國Oppa店要收200元一份，是有道理的)

難怪阿榮說:「通常10個客8個外賣，堂食只有2個」，看來在家吃可以不停翻叮，應該會更加享受

臨走前，我問阿榮下次可否芝士配燒肉？ 他答， 可以吖！！一於下次來一份芝士拉雙併吧！ (阿榮...芝士拉乳豬得唔得㗎？？)