2015.03.22
{Day 2} - 血拼日
今日蝸牛先生好早起身
佢話出去行陣先喎
買0左盒箱壽司返來做早餐
味道麻麻地， 為0左保留實力
所以我地無食哂 (又做了大哂鬼)
今日我地要去食人龍店
所以九點幾十點就出門
路經 Yodobashi 見到已經開門
見時間尚早， 於是爭取時間入去兜個圈
買了幾個 IPHONE 套
(不過最左的已經俾我整爛了， 中間是蝸牛先生的， 但佢又已經變心無用)
之後再逛逛 ABC Mart
行到差不多時間就出發去食 lunch 了
餐廳在赤板， 由博多去要坐幾個站車
稚加榮
地下鉄空港線赤坂駅4番出口より徒歩5分
十一點開門， 我倆十一點零幾分到達
入到去已經發現餘位不多
而且好快已經滿座， 要等位了， 超誇張！！
餐廳的格局好特別
中間放魚缸， 食客就在外圍
據聞呢支明太子醬好出名的
見好多日本人都用來撈飯
我地一於照跟
咸咸地， 又唔覺有乜特別
午餐 SET 只得兩個 CHOICE
同蝸牛先生揀了呢款乜都有的 SET
有魚生， 天婦羅， 茶碗蒸， 揚物， 蟹麵豉湯， 白飯
每樣都大大份， 但只係 JPY 1，400 (約九十幾蚊港幣)
真係好足料
食物係家庭式 FEEL， 除了魚生的質素差少少之外
其餘的味道都唔錯
食完出來已經有一條人龍了
好彩我地早去唔駛排
今日會去鳥梄outlet
所以我地要先返博多再轉車去鳥梄
還有一個鐘頭先有車
我地一於爭取時間逛逛車站附近的商場
博多去鳥栖， 半個鐘頭都唔駛， 都幾快
不過去到鳥梄要再轉 shuttle bus
(一出火車站就會見到巴士站了)
而 shuttle bus 的班次不多
出發前最好搵定 timetable， 咁就唔會浪費時間
車站都幾荒蕪
outlet 賣的衫款唔多
有d 仲要係上年已經見過的款
既然無衫買， 就唯有主力行家品店
我在 Afternoon tea， Le creuset 都有收獲
終於都買了小花碟
中途去了 food court 的一風堂食拉麵
兩個人share 一碗加一碟餃子
人地話九州的一風堂比香港的好食百倍
不過我又唔覺有乜差異
(定係因為呢度係 food court，所以質素差少少?！)
不過佢的糖心蛋係我今次旅程食到最好味的
行完 outlet 又返博多
返酒店放低戰利品之前去了超市行一圈
買了芥末八瓜魚 (比香港好食好多，不過唔平， 100g 要 JPY 1，000)
在香港唔捨得買來食的淺色士多啤梨
不過唔算太甜咋
休息一陣， 又再出去拼過
今次行阪急 JR HAKATA CITY
蝸牛先生有好多收獲， 買了衫， 褲， 鞋
而我就買了一樽 cream
Awake S.R.Firm Advantage
本身未用過呢個牌子的護膚品
不過見到代購成日sell 呢隻0野好用
加上我覺得我塊面開始需要搽 firming 的用品
所以雖然唔平， 但都買0左
用了大約一星期， 我覺得皮膚質素好0左
行到差不多九點， 商場都要打佯了
出發食0野之前先坐低休息陣
本來今日plan 好去食屋台
不過， 行得太攰， 唔想再坐車出去了
於是近近地去了 JR Hakata City 樓上食人形町今半
呢間上次0係東京食過， 覺得好鍾意
日本好興點餐前要你先點飲品
照舊 order 了兩個唔同 grade 的牛
我記得上次兩款牛的味道差異不大
但今次好明顯食到平牛的味係無咁好的
不過， 整體感覺依然唔錯
入口有種好感動的感覺
雪花好靚
加雞蛋食真係一流
食到尾聲已經好飽， 但仲要食飯
甜品反而無乜驚喜
難得遇上一個英文都算流利的日本侍應
服務都算唔錯
今晚仲有幾枱操廣東話的食客
原來人形町已經在香港紅了?！
好滿足的一餐！！
【日本】 血拼日
https://www.facebook.com/myblogs.asia
