試食：奶皇金桃及桃李滿門

謝謝包點先生送上佢地兩款最新推出壽桃，真係有口福了~

每當我地見到依啲桃形包包時，我地嘅下意式一定係會叫佢做"壽包"，當日同公關姐姐傾談時，我都係咁叫啲包包，但其實原來係錯呀！

公關姐姐即刻同我詳細解釋，壽桃與壽包係有分別，"壽桃"係用於祝壽，即係吉祥意思。"壽包"係用於白事及祭祀祖先用的。經過講解之後，大家都唔好誤用啦！

一般嘅壽桃都係蓮蓉餡為主，今次包點先生就新推出左奶黃加蛋黃餡嘅奶皇金桃啦~

金桃都真係有成隻手咁大呀，顏色金金地，好有氣派哦~

另一款新推出嘅壽桃就係由一個金桃六個迷你細桃組成嘅桃李滿門，六個迷你細桃入面仲可以揀蓮蓉或者豆沙餡呀~

帶左返屋企唔洗怕難整，只需要用隔水蒸15分鐘，就可以食得啦~

蒸 好左就等我先試下個金桃啦。剛剛蒸熟，熱辣辣咁食就係最好正啦，一打開就見到好大個強黃啦個，第二層就係個奶黃餡，我覺得都幾好，唔會勁重太奶之剩又唔會 覺得好甜，不過如果可以再多少少奶皇，做到同個強黃1:1咁，應該就仲好味呀(又嚟師奶仔貪心mode)。另外包身都好軟屬，唔會有實的的般。雖然係好大 個，不過食晒成個都唔會好有罪惡惑呀~

再試埋啲迷你細桃。熱辣辣咁一啖一粒，就係我至愛嘅食法。我依六個我都係蓮蓉餡，雖然試唔到豆沙餡，不過依個蓮蓉餡都唔錯，唔算太甜都幾好味，同樣都係如果可以加多少少餡，咁就應該更加好啦~