【開盒報告】Bandai SR宇宙大計!!!

先有三一，帝皇，大帝，後有萬能俠，六神....似乎B記SR有心出返晒呢班超級機械人(我想佢出埋金毛)

好返嚟開盒嘩咗一聲.....駛唔駛咁細隻呀但又因為細隻先冇咁多線要畫可以有時間影相(唔駛問有幾多合金，SR隻隻都差唔多)

整體算保持SR好扭水準,手有雙關節,腳可拉長增加可動,整個造形美觀(對我嚟講)但如眼罩及心口可用透明物料相信會更靚

另呢次腳屈起有少少問題，請睇下面有紅圈張相，以前呢個位可以自己壓入去或用手指幫一幫就得，但呢次會頂實屈唔到盡，手指又太粗，所以要揾工具幫，算係少少麻煩，其實我都幾滿意，相信六神我都會買但價錢相信遲吓會回落，唔急可以等吓先