759阿信屋繼賣零食和化妝品後，接下來打算擴大到賣開玩具，昨日在Facebook專頁宣佈接下來將開玩具店，至於具體詳情就未有通知，只在Facebook上大賣關子。

從Facebookt內的相片看，貨架上有Thomas火車頭同反斗車王McQueen等玩具，與一般玩具店大同小異，但係阿信屋就連嬰兒紙尿片都有得賣，仲要係日本同韓國牌子都有齊；而近日在上水彩園廣場，一間名為《759 Toysland》的臨時特賣場，未知是否進行試驗階段？

759阿信屋創辦人林偉駿上年曾就向傳媒透露過，打算在九龍城開玩具店，賣日本、國際品牌玩具，沙浦道分店《759 Kawaiiland》已兼賣玩具，但即將擴展的玩具店具體將會賣甚麼，則未有於網上公布。

對於759業務進一步擴張，網民意見完全不一，有些網民期待開業，覺得可以有多一個選擇，但也有人批評，認為阿信屋的貨品欠缺新意，來來去去都係幾款；更有網民提議，下次可試試開張759成人玩具店。

———網民語錄———

花生客：「開得快執得快」

進擊之巨龍：「誠哥快D狙擊！叫屈臣氏賣返玩具！ 細個好多勇者玩具都係屈臣氏買」

黃侶冠：「幾時會買地起樓」