【珍藏分享】昭和之魂 ~ 大板萬博「太陽之塔」超合金

由昨年公佈生產嘅大板萬博太陽の塔超合金，待望已久，一出就去相熟店舖放下贖金。
但奈何最近心情煩亂，至近日先至認真開盒影吓相。

太陽の塔係由日本知名藝術家岡本太郎所設計，給１９７０年於大阪舉行的萬國博覽會之大型藝術展品。
於本品公布初期，我驚訝好多人都唔知呢舊係乜，只係話佢好邪異，唔會買...
其實佢係浦澤直樹著名漫畫 [２０世紀少年]裡面，係一個重要場景。

講番件玩具先：

一見到佢感覺，比我想像中細盒...輕....

內容，本體/一對張開手掌／ 說明書

除咗變型方法，亦有詳盡介紹太陽の塔

先黎太陽の塔mode :

Bandai 能張 太陽の塔 100% 活現掌心，感動。

而全隻太陽の塔外層 Bandai 亦加上粗糙手感，對應真實太陽の塔水泥建材。

太陽の顔，代表「現在」近攝，此部份合金制成。

背面印上黑太陽，代表「過去」

黃金の顔，代表「未來」，本人覺得好可愛，似一隻鳥嘅面，口中果支係避雷針。

開始變型成為太陽の塔のロボ，感覺有點似大鐵人17。

太陽の塔のロボ mode : 

變型唔算複雜，但要好小心唔好撞斷避雷針。

可動尚可，但含金量好少，呢點有D失望

台座都可變，好精緻，拉開後可 fit 腳掌及露出ロボ二字

內構重現太陽の塔內嘅 "生命之樹"

ロボ⻣格全塗上金屬銹蝕感，雖然係膠制，但極有重金屬感。

銹蝕舊化塗裝功夫有 3A (three zero) 嘅水準 ~!

超兵器發動型態 :

佢望住你啊 ~~ XD

發動超兵器型態 ，頸部(太陽能熱線加速器) ball joints設計，高可動。

頸部內側設定為太陽能熱線收集板，網裝噴色細緻。

太陽の顔打開係次原爆發炮，感覺似大鐵人17嘅原子能死光。

來一張太陽の塔のロボ大鬧大板道頓堀。

對呢隻合金極之有愛，納為心中年度好物之一。

希望Bandai 繼續推出此類合金，亦希望玩家們對此類合金接受能力提高，

否側 Bandai 只敢重複又重複推出鐵甲萬能俠...

來年 2月，應該會親身去大板睇一次太陽の塔實物 ,期待。