神秘試食邀請 香港製蛋卷

早係上星期收到華園公關姐姐來電，問我有冇興趣試下限量嘅手製蛋卷(非常感謝大仁的介紹)。小小豬爸爸係蛋卷控加上今次又可以試食停產30年嘅華園手製蛋卷，我當然二話不說就話好啦~

其實華園一向都有推出蛋卷，每年新年都係超級市場見到為賀年而設嘅蛋卷牆，我亦有幸可以一次過試食到三款口味(按此重溫)。雖然那三款味道的都不錯，但比起華園Premium就欠了一份但「香港情懷」！

「華園Premium」於香港生產及包裝，沿用始創人原始秘製配方，炮製百分百的香港人情味~

一打開蛋卷罐，真係要"嘩....嘩...嘩"，每一條蛋卷粗度仲比大拇指粗，而且外層就好似蜂巢咁，真係一條好有層次嘅蛋卷呀~

「華園Premium」由華園香港廠房生產，由打漿至完成品均手工製作。選用特選嘅牛油及新鮮雞蛋打成漿，蛋巻厚度介乎於0.3 – 0.5MM 厚，每層蛋巻的口感夾雜蛋香和牛油香，比例洽到好處~

手製蛋卷真係同機製的大不同，食落真係超級鬆脆，所以一定要用碟仔盛住嚟食，最後再倒埋啲蛋卷碎入口，真係一流食法呀。除左鬆脆之外，未入口就已經感受到那份超濃嘅蛋香味啦~

唔洗我多講，小小豬爸爸已經用行動證明。依一罐大約有二十多條嘅蛋卷，就俾小小豬爸爸三晚睇衝上雲霄時KO左(哈哈哈...真係有冇咁快呀)。問佢好唔好食時，佢就只係答左我一句：滋味盡在不言中！

我真係非常幸運，因為「華園Premium」手製蛋卷暫不公開發售，只要有緣人才可一嘗。

我真心推介俾各位朋友仔，希望佢地可以快啲正式推廣，等多啲朋友仔可以食到充滿手藝嘅全手製強蛋卷！