繼續 We嘩! 復活小巨蛋

繼早前我地三口子入到黃金海岸We嘩!黃金嘉年華大放電之後，今次就到我地兩個拍拖去左奧海城，因為依隻豬仔又可以去放電啦！

剛好今日又到每月十號，小小豬又大一個月，所以真係非感謝We嘩!充氣嘉年華送依份56個月大禮物俾小小豬呀~

第一時間當然去睇下有咩玩先~

小小豬第一個放電活動，就係比較啱細小朋友玩 - 越野天地。由於當時人流唔多，小小豬可以話係包場任跳呀~

WARM-UP左之後，就去玩今個活動嘅主題遊戲 - 復活小巨蛋。依個小巨蛋係邀請了氣球達人Jeff 老師設計，而且仲特別復活節特制左2.5米高巨型氣球雞呀~

哈哈哈...係依個大型復活小巨蛋入面，小小豬不停跳跳跳，玩得好興奮呀~

終於嚟到小小豬至愛嘅 - 親親大熊貓，其實我眼睇見條滑梯都幾高又長，仲要好似好急咁滑落嚟，我睇都覺得好刺激呀！難得依隻豬仔完全唔驚，仲玩得不知幾開心，來來回回都唔記得左佢滑左幾次啦~

玩左一連串興奮遊戲，小小豬就轉戰 - We嘩!造型流沙，玩得文靜少少啦~

之後就去埋做小手工，之前次次都係砌屋仔，今次終於都改一改，貼魚仔眼鏡呀~

完成啦...小小豬型仔嗎~

最後我地轉戰2期北翼，因為小小豬要做騎師呀！上次唔識玩所以唔太ENJOY，今次終於可以玩得好投入，仲越騎越快呀~

唔覺唔覺我地兩母子都係奧海城玩左差唔多三個鐘，最開心嗰個就一定係小小豬，佢玩完又排隊...排隊後又玩，我都唔記得佢玩過幾多次啦！

雖然今個復活節兩大We嘩!充氣嘉年華都已經完結，不過我相信唔洗等好耐佢地就會再返嚟，到時又可以再嚟玩過呀！