元朗抵食日本放題

其實由4/2到4/4， 每天已經在勁食了！  4月5 日的星期天原本打算在家做宅女的！  可惜宅女唔成， 因為朋友山長水遠就我， 入元朗同我LUNCH， 咁……點我都要出來啦！

大伙兒選了受好評的雋太日本料理！  中午12:30去到， 發現原來可以食3個鐘， 去到3:30， 食到真抵！  加上我們加以一邊食， 一邊傾， 不怕被人趕！  正！

可能是中午關係， 人不算多， 只有一半是有客人的！

假日這個時段， 只須$185。友人喜愛吃生蠔及蟹腳，都只須加$58。最後加一埋單都只係每人$270，食足3個鐘！

最先來的是刺身船一隻，好大好靚！因為我不吃刺身，所以只有看得一份！

這兒的枝豆我好LIKE， 是暖暖的， 只有外面鹹， 豆肉則剛剛好， 不是太鹹！

而前菜都推介這個沙津！

食日式放題，我以熟食為主！所以，有別一般的刺生推介，我會主力推介熟食的！

一般和風料理:

上圖: 汁燒帶子，炒野菜，牛柳粒

下圖: 牛油栗米，炒什菇，羊架

重點推介為牛柳粒同牛油栗米。牛柳粒夠入味，容易咬！ 牛油栗米勁香牛油味，真係又香又甜！

天婦羅同炸物叫了不少，真係上枱時都嘩一聲！當中蕃薯，紫薯波同芝士年糕都很好味！ 最一般的是餃子！

來再的是這個稻庭烏冬，烏冬煙煙韌韌的，口感很好！

這個蟹粥，每天以新鮮的蟹仔來做，十分鮮甜美味！

燒菠蘿同燒日式蕃薯都勁好吃，我們還ENCORE了它們！

最後半小時是甜品時間了！ 有泡芵 (綠茶，士多啤梨泡芙)，入面係雪糕，出面泡芙仍帶脆的，不錯！ 還有Movenpick的士多啤梨雪糕，好美味啦！

食足3個鐘， 最後晚餐只吃了沙津菜啦！

************

免責聲明:
本文章所發表的全部內容均屬個人意見及感受，並不代表該品牌之言論及立場。
如需協助或希望獲得更多有關產品資訊， 請直接聯絡該品牌查詢或尋求相關專業意見。

如從而引起任何損失或法律糾紛，本人概不負責。

歡迎找我合作，試用及出席活動！ Thanks！

Contact E－mail：siuwan98@hotmail.com / csiuwan98@gmail.com