當年第一隻購入超合金魂 GX - 01,之後就停咗手，直至出GX - 04巨靈神才入手第二隻；萬能俠系列中，始終對3號巨靈神情有獨鍾，而且相比GX - 01，GX - 04又真係抵好多。記得價錢和GX - 01差唔多，但巨靈神包埋UFO和飛機，大大盒感覺好好多。
記得當年一買返來就拆盒，當時唔興影相,轉頭就放咗入櫃，擺咗咁多年，今日攞出來懷緬吓,點知見到條腰竟然有裂痕!?所以話呢，玩具真係要來玩，莫講話M記啲12“，而家連合金都會裂漆，所以如其擺爛不如玩爛！
巨靈神產物中,聽講CMs嗰盒都唔錯，可惜廠都執埋，而Y拍個價由佔中時期到而家，足足貴咗$500，希望Acardia能再版就好喇...!
【懷舊合金】超合金魂 GX - 04 巨靈神
https://www.facebook.com/mytoyshk
