當一個球員轉會後對陣前東家，舊球會球迷都希望球員入波後唔好慶祝，否則就好似雲佩斯、拿斯尼、艾迪巴約等人落得叛徒之名；亦有好多球員會尊重前球會，入球或勝利之後都唔會大肆慶祝。不過好似以下呢位球員咁直接回答問題，更加難能可貴，仲贏得好多球評既掌聲。
呢位效力英甲排名第一的布里斯托城既後衛Aden Flint，日前於聯賽對前球會史雲頓贏波後接受記者採訪既時候被問到，會唔會希望現排第4既史雲頓同布里斯托城一齊升上英冠既，佢毫無考慮之下就搖搖頭，吐出左三個字NO、NO、NO，似乎對舊東家十分之不滿。同時呢個即時反應亦贏得好多球評既讚賞，認為佢完全唔造作，亦係對現球會忠心既表現喎。你又覺得佢既反應係叛徒，定係真情流露呢？
