話說小弟並不是老變迷，卡通都一向只是看幾集停幾集，在無特別愛意下，所以家中收藏並不太多，自早年入了MP -01 文哥同 Classic系列某幾隻車種後已沒有新收藏
於年初見到 MP 系列推出了一隻並非只是將文哥改成白色的真正馬格斯後，深深被其變型系統吸引而入手了
驚嘆於 TT 設計師的心思，於是上網搜尋更多 MP 系列的資料
偶然地見到 Star Saber(港譯：史達)的官方圖片，發覺原來可以變型之餘，仲可以玩合體，當堂眼前一亮啦
一路睇資料，一路熱血沸騰，攪到第二日放工時要即到信和落訂
等左個零月，史達正式見街，又有新玩具玩了
開盒後，即刻攞隻 head master 出黎望下先
得嗰鼻屎咁大粒
放大黎睇下
原來上色一 D 都唔馬夫喎
史達仔的戰鬥機登場
史達仔可坐進駕駛倉內呢
好似玩緊菜機呀
話明老變，梗要變下身先得架
變型系統唔複雜，可動OK ，面相靚仔無溢色，心口博派標誌無走位，整體令人滿意(最鍾意心口開蓋位個GIMMICK，鍾意六神合體既一定要試下)
跟住就到大合體了
合體前先黎睇睇補充裝甲
好大舊
戰機MODE
合體後感覺有 D 似機甲創世紀入面既山貓號
到機械人 MODE 嘞
Star-Saber 王者史達堂堂登場
可動位幾多，擺有型 POSE 無難度，背後位罝能收納起兩把劍身，可見設計者已落足心思
身為王者，自然要夠大夠霸氣先稱得上，呢件玩具做到了
又係一件買左唔會想放二手既玩具，讚呀
後記：
上文講過，早於上個月頭已到玩具店落訂
一路懷住既興奮又期昐既心情等推出
兩個星期前終於等到收貨電話，奈何工作太忙，收工時玩具店亦差唔多時間關門
無得玩就只有上網睇人既 POST 解一解毒啦
睇到一 D 玩評又話膠，又話木，又話設計唔 L 得，完全彈到一文不值，心諗唔係咁大鑊呀
但既然已俾左訂，點都唔好蝕啦，所以趁上個星期有一晚空檔，硬著頭皮走去玩具店俾埋尾數
番到屋企本來諗住開盒撚兩下就算，點知呢，原來隻野好好玩，價錢仲要唔駛一千銀，對於我呢 D 合體控已經非常滿意收貨了
所以有時真係唔可以儘信媒體上的所謂玩後報告，始終玩玩具嗰個人係你，好唔好玩係由你自己決定既，如果因為一些先入為主既壞印象影響到你錯過一件好玩具，你話係未一件何其 ON 9 既事先
後記完畢，下次再見
P.S.：最睇唔過眼係某個所謂資深老變玩家一出POST就話MP殞落，內文又猛話官方出得差無良心，性價比及不上第三方廠，我只能講一句你咁本事，咁叻，你自己攪番件啦，仲要大量生產出街喎，睇下又有乜反應
