【玩評報告】野望屋黑三一開盒報告

生產商~野望屋，真係聽都未聽過，呢隻編號 PD-01 既舊黑三一 1 號，最初睇相仲以為走MB 合金路線，但後來睇試版，先知原來係一隻好大隻，足足18cm高既超合膠。

最初有啲舖吹到野望屋係日本公司，但收貨後從運輸盒所見，明顯係來自上海，PD-01係一件國產，而且官網都表明可以上淘寶買，由人仔¥395 - ¥420都見到，而香港代訂就$750 - $760左右，宣傳期間表示限量生產500套，附雙份武器（格斗盾x2、刺爪x4），限定金標貼200套附送ROYAL BATTEL CARD A，限定銀標貼300套附送ROYAL BATTEL CARD B，唔知有咩用？

以一隻全關節，可動既硬膠，配合千值練那個鐵線披風，七舊幾貴唔貴見人見智，呢邊廂昨晚先派街，那邊廂已宣報開發PD-02，原色舊三一...！